ՀԿԴ-ում Վահե Դոլմազյանի նախագահությամբ այսօր կայացավ նախկին դատավոր Արուսյակ Ալեքսանյանի, նրա նախկին օգնական Թամարա Պետրոսյանի եւ փաստաբան Էրիկ Ալեքսանյանի գործով դատական նիստը, որում եզրափակիչ ճառով պետք է հանդես գար Արուսյակ Ալեքսանյանի պաշտպան Հովսեփ Սարգսյանը:
Էրիկ Ալեքսանյանը միջնորդեց անձնական հանգամանքներով պայմանավորված խափանման միջոց բացակայելու արգելքը վերացնել: Ծավալվեց հանգամանալից քննարկում, որը տեւեց բավական երկար, որից հետո դատարանը միջնորդությունը բավարարեց:
Հովսեփ Սարգսյանը հայտարարեց, որ իր եզրափակիչ ելույթը կտեւի մեկ-մեկուկես ժամ, սակայն քանի որ կալանքի երկարացման հետ կապված նախապես նշանակված մեկ այլ դատական նիստ ունի, որից բացակայել ոչ մի կերպ չի կարող, խնդրեց իրեն ելույթի հնարավորություն տալ հաջորդ դատական նիստին:
Դատարանը բավարարեց նաեւ այս խնդրանքը: Հաջորդ նիստը կկայանա հունիսի 10-ին, ժամը 15:00-ին:
Կարդացեք նաև
Աշոտ ՀԱԿՈԲՅԱՆ
