«Այն օրակարգային հարցերը, որոնք այսօր բարձրացնում են արցախցիները, վերաբերում են ոչ միայն Արցախի եւ արցախցիների կենսական խնդիրներին, այլ ուղիղ առնչվում են Հայաստանի եւ Հայաստանի անվտանգությանը»,- ԱԳՆ շենքի մոտ բողոքի ցույցի ժամանակ ասաց «Պատիվ ունեմ» խմբակցության պատգամավոր Տիգրան Աբրահամյանը։
Նա նշեց, որ արտաքին քաղաքական այն օրակարգը, որն այսօր ներկայացնում են ՀՀ իշխանությունները, հայ ժողովրդի շահերը չի ներկայացնում։ «Եվ, բնականաբար, մեզ համար՝ որպես քաղաքական ուժ, առաջնայինը իշխանության փոփոխությունն է»,- ասաց նա՝ հավելելով, որ ՀՀԿ-ն սատարում է արցախցիների բողոքի գործողություններին։
Աբրահամյանը հիշեցրեց, որ այս կառավարությունն իր նախընտրական ծրագրում գրել էր արցախցիների ինքնորոշման իրավունքի մասին, բայց հիմա հայտարարում է Արցախի ադրբեջանական լինելու մասին։ «Այսինքն՝ այն, ինչ ասում է այս իշխանությունը, նպատակ ունի այդ իրավիճակում իր համար որոշակի շահեկան դիրքավորում ապահովել՝ փորձելով նաեւ փողոցը ցրել, մարդկանց հիասթափության տանել»,- նշեց նա»
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
