«Դադարեցրեք Մինսկի խմբի համանախագահությունը ցրելու մասին ձեր հայտարարությունները»,- ԱԳՆ շենքի մոտ բողոքի ցույցի ժամանակ իշխանություններին կոչ արեց «Ընդդեմ իրավական կամայականության» հասարակական կազմակերպության գործադիր տնօրեն, ՀՀ մարդու իրավունքների առաջին պաշտպան Լարիսա Ալավերդյանը։
«Պահանջում ենք ԱՄՆ-ից, Ռուսաստանից ու Ֆրանսիայից օր առաջ վերականգնել Մինսկի խմբի աշխատանքը»,- ասաց Ալավերդյանը։
Նա անդրադարձավ Բաքվի բանտերում անօրինական պահվող հայ գերիների խնդրին։ Ալավերդյանի խոսքով՝ հայ գերիներն այսօր խոշտանգումների ու դաժան վերաբերմունքի են արժանանում Ադրբեջանում։ Եվ այդ գործողություններն այդ անձանց նկատմամբ չեն, այլ միջազգային իրավունքի դեմ հանցագործություն են։
«Պահանջում ենք արտգործնախարարությունից դադարեցնել այն անիմաստ խոսակցությունները, որ մենք գերիների հարցով ինչ անում ենք՝ գաղտնի ենք անում։ Ձեր գաղտնի արածների պատճառով է, որ այսօր Ադրբեջանում են գտնվում այդ անձինք։ Պահանջում ենք օր առաջ դիմել չեզոք պետության, թեկուզ նույն Շվեյցարիային, դիմել Ադրբեջանի հետ բարեկամական հարաբերություններ ունեցող բոլոր պետություններին՝ օր առաջ վերադարձնելու Ադրբեջանում անօրինական պահվող մեր եղբայրներին»,- հավելեց նա։
Կարդացեք նաև
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
