Գյումրու ճակատագիրը ավագանու մանդատ ստացած գյումրեցիների ձեռքում է։ Վստահ եմ, որ նրանց մեջ կան իրենց քաղաքը սիրող մարդիկ, որոնց համար միևնույն չէ քաղաքի կառավարման սպասվելիք կոլապսը։ Ինչո՞ւ կոլապս, որովհետև պարզից էլ պարզ է, որ եթե անգամ սպասվելիք սցենարով Վարդան Ղուկասյանին դարձնեն քաղաքապետ, ապա ավագանին որոշումներ չի կայացնելու, կոնսենսուս չի լինելու այս 2 կլանների միջև։
Եվ սրա մասին Մարտուն Գրիգորյանն արդեն իսկ անոնս է արել՝ ասելով, որ պատասխանատվություն չի կրելու, և որ սկզբունքորեն դեմ է Վարդան Ղուկասյանի «նախկին բարքերի վերադարձին, որոնցից ինքն ազատել է քաղաքը»։
Այսինքն՝ առաջիկայում տեսնելու ենք ոչ թե ավագանու նիստեր, այլ քաղաքապետարանի դահլիճում անձնական հակամարտության կադրեր։ Իսկ արդյունքում՝ չկայացված որոշումներ, քանդված փողոցներ, չհաստատված բյուջե, վագոններում ապրող գյումրեցիներ…
Ու չկա այդ 3 խմբակցություններում գեթ 1 մարդ, ով սա չի գիտակցում, բայց միայն գիտակցումով «յարա չի սաղանա», ապրիլի 16-ին ամեն մի ավագանու անձնական քվեարկությամբ է հնարավոր առաջիկա տարիների համար որոշել Հանրապետության երկրորդ քաղաքի վիճակը»։
Կարդացեք նաև
Հասմիկ ՀԱԿՈԲՅԱՆ
ՀՀ ԱԺ «Քաղաքացիական պայմանագիր» խմբակցության պատգամավոր
