Միջխորհրդարանական միության 150-րդ վեհաժողովի շրջանակում Տաշքենդում մեր պատվիրակությունը տասնյակ երկկողմ հանդիպումներ է ունեցել տարբեր երկրների և կազմակերպությունների պատվիրակությունների հետ՝ Դանիայից, Նորվեգիայից, ԱՄԷ-ից, Բելգիայից, Կատարից, Ինդոնեզիայից, Իրանից, Հնդկաստանից, Ճապոնիայից, Բրազիլիայից և այլն։ Պատվիրակությունը ղեկավարում էր ԱԺ փոխնախագահ Հակոբ Արշակյանը, պատվիրակության կազմում էի գործընկերներիս՝ Ծովինար Վարդանյանի, Արսեն Թորոսյանի, ԱԺ աշխատակազմի ղեկավար-գլխավոր քարտուղար Դավիթ Առաքելյանի հետ:
Քննարկել ենք ոչ միայն երկկողմ օրակարգերի առաջ մղման հետ կապված հարցեր, այլ նաև անդրադարձել ենք մեր տարածաշրջանում անվտանգությանն առնչվող հարցերին։ Մեր գործընկերներին ենք ներկայացրել Հայաստանի և Ադրբեջանի միջև խաղաղության համաձայնագրի գործընթացը և ադրբեջանական կողմից դրա ստորագրումը հետաձգող արհեստական խոչընդոտները։
Միջազգային գործընկերների հետ այս և տեղում բազմաթիվ այլ շփումներից կարող եմ փաստեր, որ աներկբա է, բոլորն աջակցում են խաղաղության օրակարգին, կարևորում են օր առաջ համաձայնագրի ստորագրումը և երկարաժամկետ խաղաղության հաստատումը»։
Հասմիկ ՀԱԿՈԲՅԱՆ
Կարդացեք նաև
ՀՀ ԱԺ «Քաղաքացիական պայմանագիր» խմբակցության պատգամավոր
