Հունահռոմեաական ոճի ըմբշամարտի Հայաստանի ազգային հավաքականի անդամներ, 63 կգ քաշային Կարեն Ասլանյանը եւ 77 կգ քաշային Մալխաս Ամոյանը Բրատիսլավայում այսօր մեկնարկած Եվրոպայի առաջնությունում մտան եզրափակիչ եւ վաղը կգոտեմարտեն չեմպիոնական տիտղոսի համար:
Կիսաեզրափակչում Ասլանյանը մեկուկես րոպեում առավելության հասավ ուկրաինացի Անդրեյ Սեմենչուկի նկատմամբ եւ վաղը եզրափակչում կգոտեմարտի թուրք Քերեմ Քամալի հետ:
Մալխաս Ամոյանը 5:1 հաշվով պարտության մատնեց Բուլղարիան ներկայացնող ջավախքցի Հայկ Մնացականյանին ու վաղը կփորձի նվաճել Եվրոպայի առաջնության իր չորրորդ անընդմեջ ոսկին:
Կարդացեք նաև
55 կգ քաշային կարգում Մանվել Խաչատրյանը չկարողացավ հաղթահարել կիսաեզրրափակիչը եւ բրոնզե մեդալը կվիճարկի վրացի Վախթանգ Լոլուայի հետ գոտեմարտում:
Այսօր պայքարի մեջ մտած մեր մյուս երկու ըմբիշները՝ 87 կգ քաշային Կարեն Խաչատրյանը եւ գերծանր քաշային Դավիթ Օվասապյանը սփոփիչ գոտեմարտերի հնարավորություն են ստացել եւ կարող են պայքարել բրոնզի համար:
Աշոտ ՀԱԿՈԲՅԱՆ
