Հայ-թուրքական սահմանի բացման հարցում առաջընթաց չկա, ՌԻԱ Նովոստիին ասել է Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը։
«Մենք ցանկանում ենք զարգացնել գործընթացը, կապի մեջ ենք: Բայց այս պահին կոնկրետ ժամկետ չկա»,- ասել է Քըլըչը՝ անդրադառնալով հայկական կողմի հետ առաջիկա բանակցությունները։
Ըստ ադրբեջանական ԶԼՄ-ների՝ Սերդար Քըլըչը մեկնաբանել է այն հարցը, թե արդյոք Թուրքիան Հայաստանին Սահմանադրության փոփոխության պահանջ է ներկայացրել. «Սահմանադրության փոփոխության վերաբերյալ հայտարարություն է արել նաև Նիկոլ Փաշինյանը, այս համատեքստում Հայաստանը կկատարի անհրաժեշտ փոփոխությունները իր Սահմանադրության մեջ»։
Հիշեցնենք՝ Անթալիայի դիվանագիտական ֆորումի շրջանակում ՀՀ ԱԺ փոխնախագահ, Հայաստան-Թուրքիա հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը հանդիպել է Սերդար Քըլըչի հետ։
Կարդացեք նաև
«Հայաստան-Թուրքիա հարաբերությունների կարգավորման գործընթացի վերաբերյալ լավ քննարկում ունեցանք», – X-ում հայտնել է Ռուբեն Ռուբինյանը:
