«Իննոբիզ»-ը մեկնարկում է «Մեկ նվիրատվություն՝ 150 ընտանիքի ապագա հայրենիքում» դրամահավաքը: Արշավի նպատակն է հավաքագրել մեկնարկային կապիտալ այն 150 արցախցի ընտանիքների համար, ովքեր ստացել են բիզնես կրթություն Իննոբիզի «Բյուր» հարթակում և պատրաստ են սկսելու սեփական փոքրիկ գործը հայրենիքում:
Կոչ համայն հայությանը.
Մենք դիմում ենք համայն հայությանը՝ աջակցելու այս կարևոր նախաձեռնությանը: Կարող եք աջակցել ցանկացած գումարի նվիրատվությամբ, դառնալով՝
- Նվիրաբերող՝ ցանկացած գումար նվիրաբերելու դեպքում
- Կայուն աջակից՝ ամսական ֆիքսված գումար նվիրաբերելու դեպքում
- Բարերար՝ ով կֆինանսավորի 1 բիզնես (մինչև 1 մլն ՀՀ դրամ)
- Քավոր՝ մեկ բիզնեսի բարերար և բովանդակային ուղեկից
Միացե՛ք, որպեսզի արցախցի ընտանիքներին տանք հնարավորություն ապրելու և ստեղծագործելու հայրենիքում։
«Մեկ նվիրատվություն՝ 150 ընտանիքի ապագա հայրենիքում» դրամահավաքի արշավին կարող եք նվիրաբերել՝ այցելելով հետևյալ հղումով:
«Իննոբիզի» մասին
«Իննոբիզ»-ը 2021 թվականից մասնագիտացած է ապագա ձեռնարկատերերին համապարփակ բիզնես կրթություն և աջակցություն տրամադրելու ոլորտում։ Վերակառուցման և Զարգացման Եվրոպական բանկը (EBRD) զրոյից բիզնես սկսելու ծրագրերում ավելի քան 2000 անձանց կրթությունը տարիներ շարունակ վստահել է Իննոբիզին։ 2024 թվականին EBRD-ի հետ համատեղ գործարկվեց «Բյուր» կրթական հարթակը, որտեղ այժմ 1500+ արցախցի սովորում է, թե ինչպես սեփական գաղափարը վերածել բիզնես նախաձեռնության։
