«Այս պահին Լեռնային Ղարաբաղից տեղահանված անձանց համար գործում են պետական աջակցության մի շարք ծրագրեր»,- «Արմենպրեսի» մամուլի սրահում կայացած ասուլիսում նշեց ՀՀ աշխատանքի և սոցիալական հարցերի նախարարության ժողովրդագրության և ընտանիքի սոցիալական երաշխիքների վարչության պետ Արտակ Հարությունյանը (լուսանկարում)՝ ներկայացնելով նոր ծրագիրը:
Փոխնախարարի տեղեկացմամբ, եթե Արցախից բռնի տեղահանված ընտանիքի անդամներից ամեն մեկի եկամուտը 55 հազար դրամից պակաս է կազմում, ապա այդ ընտանիքը կդիտարկվի աջակցության նոր ծրագրի շահառու, իսկ դրամական աջակցությունը կտրամադրվի ապրիլ ամսվանից մինչեւ տարեվերջ:
Արտակ Հարությունյանի ձեւակերպմամբ, եթե ընտանիքը բաղկացած է 5 անդամից, ապա նշված ծրագրով նրանցից յուրաքանչյուրը կստանա 40 հազար դրամ աջակցություն՝ գումարած 10 հազար դրամ ընտանիքի յուրաքանչյուր անդամի համար՝ սկսած երկրորդ անդամից:
Փոխնախարարը շեշտեց, որ այս աջակցությունը, սակայն, չի վերաբերվում մանկատներում եւ ծերանոցներում գտնվողներին, պետության աջակցությամբ սոցիալական բնակարանային ֆոնդում ներառվածներին, պետության տրամադրած տարածքներում բնակվողներին:
Կարդացեք նաև
Մանրամասն՝ տեսանյութում
Գոհար ՀԱԿՈԲՅԱՆ
