Aravot.am-ը երեկ մետրոյի «Մարշալ Բաղրամյան» կայարանի եւ Սուրբ Աննա եկեղեցու մոտ էր, որտեղ ընթանում էր «Սրբազան պայքարի» «Չեմ վստահում» նախաձեռնության ստորագրահավաքը:
«Մարշալ Բաղրամյան» կայարանին կից ստենդում զրուցեցինք ակցիայի ներկայացուցիչ Լիդյա Մանթաշյանի հետ։
«Երբ մենք տեսնում ենք, որ Բաքվում գտնվող, ՀՀ քաղաքացիություն ունեցող, կապույտ անձնագիր ունեցող անձանց մեր պետությունը չի պաշտպանում, մենք ակնառու տեսնում ենք, որ մեր քաղաքացիները պաշտպանված չեն։ Մեր երիտասարդների մոտ միտք առաջացավ ստորագրահավաք անցկացնել, հետո դարձավ ժողովրդական հանրաքվե։ Մարմին տվեցինք այդ մտքին եւ փողոցում սկսեցինք այս ակցիան», – Aravot.am-ի թղթակցին նախաձեռնության մտահղացման մասին պատմեց Մանթաշյանը։
Հարցին՝ ինչո՞ւ են որոշ անցորդներ բարձրաձայն հայտարարում, որ չեն վստահում Փաշինյանին, բայց, միեւնույն է, չեն միանում «հանրաքվեին», զրուցակիցը պատասխանեց՝ մարդիկ կան՝ շտապում են, մարդիկ կան ասում են՝ «Դե, չենք վստահում, բայց ի՞նչ է փոխվելու, եթե սա անենք»։
Կարդացեք նաև
Մանթաշյանի խոսքով՝ չնայած բոլորն էլ գիտեն, որ ակցիան իրավական հիմք չունի եւ արվում է զուտ քարոզչական նպատակով, մարդիկ գալիս են «իրենց վճռական անվստահությունը հայտնելու Նիկոլ Փաշինյանի իշխանությանը»։
Մանրամասները՝ տեսանյութում
Նախաձեռնության երիտասարդ ներկայացուցիչներն Aravot.am-ին տված իրենց մեկնաբանություններում անդրադարձել են վերահաս վտանգներին, քաղաքական պայքարում երիտասարդների դերին եւ «Սրբազան պայքարի» հետագա անելիքներին։
Ավելի մանրամասն ՝ տեսանյութերում։
Արսեն ԱՅՎԱԶՅԱՆ
