Բրատիսլավայում վաղը պայքարը կսկսեն հունահռոմեական ոճի ըմբշամարտի Եվրոպայի առաջնության մասնակիցները: Հայաստանը ներկայացուցիչ ունի բոլոր տասը քաշային կարգերում: Վիճակահանությունը կայացել է ու բոլոր ըմբիշները գիտեն իրենց մրցակիցների անունները: Մեկնարկային օրը մրցագորգը կտրամադրվի 55, 63, 77, 87 եւ 130 կգ քաշայիններին:
Հայաստանի հավաքականից 55 կգ քաշային Մանվել Խաչատրյանը պայքարը կսկսի թուրք Էմրե Մուտլուի հետ գոտեմարտով, Կարեն Ասլանյանը 63 կգ-ում դեռ սպասում է որակավորման փուլի արդյունքով իր ապագա մրցակցին, 77 կգ քաշային Մալխաս Ամոյանը կգոտեմարտի լեհ Մատեուշ Բերնատեկի հետ, Կարեն Խաչատրյանը 87 կգ-ում կմեկնարկի բուլղարացի Ալեքսանդր Նովիկովի հետ պայքարով, իսկ 130 կգ քաշային Դավիթ Օվասապյանի մրցակիցը կլինի թուրք Մուհամմետ Համզա Բաքիրը:
Աշոտ ՀԱԿՈԲՅԱՆ
