Եվրոպան անհնար է պատկերացնել առանց Դոստոևսկու, Տոլստոյի, Չայկովսկու և այլ մեծ մշակութային գործիչների, այս մասին հայտարարել է սերբ կինոռեժիսոր, պրոդյուսեր, սցենարիստ և կոմպոզիտոր Էմիր Կուստուրիցան «Եվրասիա՝ ավանդական արժեքների տարածք» միջազգային հասարակական և բիզնես ֆորումի լիագումար նիստում, որը տեղի է ունեցել Կրասնայա Պրեսնյա «Ռոսիա» ազգային կենտրոնում, հայտնում է ՏԱՍՍ-ի թղթակիցը:
Ելույթ ունենալով «Եվրասիայի մշակութային օրենսգիրքը՝ ազգերի ավանդական արժեքների դիրիժոր» նիստում, Կուստուրիցան ընդգծել է. «Եվրոպան դարեր շարունակ ընկալել է այդ հեղինակներին և կոմպոզիտորներին որպես իր խորհրդանիշները, սակայն այսօր նրանք պատկանում են Եվրասիային՝ մի տարածության, որտեղ միահյուսվում են եվրոպական և ասիական մշակույթները»։
«Ռուսական մշակույթն անհնար է չեղարկել: Չի կարելի մարդուն ասել, որ չլսի Չայկովսկի կամ չկարդա Դոստոևսկի», – ասել է Կուստուրիցան, նշելով, որ դա է հաստատում հետաքրքրությունը ռուս դասականների նկատմամբ:
«Ռուսական մշակույթը նույնիսկ դիմակայեց Երկրորդ համաշխարհային պատերազմի հետևանքներին»,- ասել է Կուստուրիցան, ու հավելել, որ ինքն իր մեջ զգում է սերբական և ռուսական մշակույթների համադրություն։
Կարդացեք նաև
Կուստուրիցան նաեւ ընդգծել է, որ ամեն անգամ, երբ Մոսկվա է այցելում, իրեն զգում է ինչպես Վիկտոր Բագրովը՝ Ալեքսեյ Բալաբանովի «Եղբայր 2» ֆիլմից։ Հենց Ռուսաստանի Դաշնության ժողովրդական արտիստ Վիկտոր Սուխորուկովի այս կերպարն է ասել, որ ուժը ՌԴ մայրաքաղաքում է։ «Եվ դա միանշանակ լավ զգացողություն է»,- ասել է ռեժիսորը։
