«Իսկ ոնց եք գնահատում, երբ պետական արարողակարգով երկրի ղեկավար է անցնում, ծառայողական պարտականություններն են կատարում, ձայնային ազդանշան է տալիս»,- այսօր ԱԺ-ում «Ճանապարհային երթեւեկության անվտանգությունը Հայաստանում» խորհրդարանական լսումներից հետո լրագրողներին ասաց ՀՀ ոստիկանապետ Արամ Հովհաննիսյանը՝ անդրադառնալով համացանցում տարածված աղմկահարույց տեսագրությանը, որտեղ պարեկները մեքենայից իջեցնում են վարորդին ու ասֆալտին պառկեցնում, ապա վարչական ձերբակալում իրականացնում:
Ոստիկանապետն ասաց նաեւ, որ այդ դեպքով ծառայողական քննություն է նշանակված, քննությունից հետո պարզ կդառնա:
Լրագրողի հարցին, բայց քանի ժամ կարելի է սպասեցնել, ոստիկանապետն ասաց՝ իրեն այդ հարցերը չտան, արարողակարգն է կարգավորում: Լրագրողի մեկ այլ դիտարկմանը, թե քաղաքացին տատիկին պետք է հուղարկավորեր, պարոն Հովհաննիսյանն այսպես արձագանքեց. «Ողորմի իր տատիկին»:
Լրագրողի դիտարկմանը, թե ոստիկանությունն այդպես էլ չբարեփոխվեց, ոստիկանապետը զարմացավ ու հավելեց, որ բարեփոխվել են եւ հեռացավ:
Կարդացեք նաև
Արփինե ՍԻՄՈՆՅԱՆ
