ԵԱՏՄ երկրների հետ որևէ վիզային ռեժիմի մասին խոսք չկա. արտաքին քաղաքականության ընթացիկ հարցերի վերաբերյալ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Ռուսաստան մուտքի կանոնների փոփոխության վերաբերյալ հարցին:
Հիշեցնենք՝ 2025 թվականի հունիսի 30-ից Ռուսաստան մուտք գործելիս անհրաժեշտ է նախապես տեղեկացնել ՌԴ միգրացիոն իշխանություններին և թույլտվություն ստանալ 72 ժամ առաջ։ Նորմը գործում է նաև ԵԱՏՄ երկրների համար, բացի Բելառուսից։
«Այդ միջոցներն ուղղված են անվտանգության և հասարակական կարգի ապահովմանը», – նշել է Զախարովան:
Նրա խոսքով՝ միգրացիայի ոլորտում ՌԴ-ում մշակվող բոլոր նախաձեռնությունները մանրակրկիտ վերլուծվում են երկրի միջազգային պարտավորություններին, այդ թվում՝ ԵԱՏՄ շրջանակներում, դրանց համապատասխանության տեսանկյունից։
