«Խուլիգանության համար անհրաժեշտ է խուլիգանական դրդում , իսկ այստեղ չկա խուլիգանական դրդում: Դրդումը եղել է պայմանավորված Հակոբ Ասլանյանի իշխանության մասը լինելու հանգամանքով: Մենք սրա մասին խոսել ենք, կներկայացնենք մեր վերաքննիչ բողոքում, Վերաքննիչ դատարանը կքննարկի»,- այսօր քաղաքացիական ակտիվիստ Սամվել Վարդանյանի վերաբերյալ դատարանի մեղադրական վերդիկտի հրապարակումից հետո լրագրողներին ասաց Սամվել Վարդանյանի պաշտպան Ռուբեն Մելիքյանը:
Հիշեցնենք, որ դատարանն այսօր Սամվել Վարդանյանին խուլիգանության հոդվածով մեղավոր ճանաչեց:
Վարդանյանը մեղադրվում է նախկին իշխանական պատգամավոր Հակոբ Ասլանյանի նկատմամբ խուլիգանություն անելու և համացանցում ատելություն հրահրող հրապարակային խոսք տարածելու եւ խուլիգանություն անելու համար։ Համացանցում տարածված տեսանյութի համաձայն՝ 2024 թվականի ապրիլի 15-ին Սամվել Վարդանյանը հանրային տրանսպորտում նկատել է ԱԺ պատգամավոր Հակոբ Ասլանյանին և նրա հասցեին հնչեցրել «հակահայ վիժվածք», «ժեխ բիձա» եւ նմանատիպ այլ արտահայտություններ:
Հիշեցնենք նաեւ, որ պատգամավորի հետ ունեցած միջադեպից հետո Սամվել Վարդանյանը ձերբակալվել ու ոստիկանների կողմից խոշտանգման էր ենթարկվել:
Կարդացեք նաև
«Բայց կարեւորն այն է, որ վտանգը, որ այս դատական ակտով Սամվել Վարդանյանը կազատազրկվի, զրոյացավ»,- շարունակեց պարոն Մելիքյանը:
Արփինե ՍԻՄՈՆՅԱՆ
