Տեսալսողական մեդիայի մասին օրենքը հստակ հայեցակարգ չի սահմանում, թե ընտրական բանավեճի ժամանակ թեկնածուներից յուրաքանչյուրին որքա՞ն ժամանակ պետք է տրամադրվի, ենթադրվում է, որ հավասար․ այս պարզաբանումն այսօր ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստում տվեց Հեռուստատեսության և ռադիոյի հանձնաժողովի նախագահ Տիգրան Հակոբյանը։ Նա ներկայացնում էր Հեռուստատեսության եւ ռադիոյի հանձնաժողովի 2024 թվականի գործունեության եւ տեսալսողական մեդիայի ոլորտում տեղեկատվության ազատության վիճակի մասին տարեկան հաղորդումը։
ՔՊ-ական Թագուհի Ղազարյանն էր անդրադարձել Գյումրիում կայացած ընտրություններին եւ թեկնածուների բանավեճին, որի ժամանակ, ըստ նրա, մասնակիցներին հավասարաչափ ժամանակ չտրամադրվեց, «ով ավելի շատ ու բարձր գոռգոռաց՝ շատ խոսեց»։
Տիգրան Հակոբյանը բավական ուշագրավ տեղեկություններ փոխանցեց․ այդ քարոզարշավում, ամենահավասար պայմանները բոլոր մասնակից կուսակցություններին, Հանրային հեռուստաընկերությունն է տրամադրել։ Լուրերում եւ այլ հասարակական-քաղաքական հաղորդումներում մեկ ընդդիմադիր կուսակցություն ավելի շատ է լուսաբանվել, քան իշխող ՔՊ-ն։ Քարոզարշավին մասնակցած մեկ ընդդիմադիր կուսակցություն երկու անգամ ավել գովազդային ժամանակ է ունեցել, քան իշխող ՔՊ-ն։
Մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
