Նախկին ՔՊ-ական պատգամավոր Հակոբ Ասլանյանի հետ միջադեպի գործով Երեւան քաղաքի քրեական դատարանը հեռացավ խորհրդակցական սենյակ վերդիկտ կայացնելու:
Նախքան դատարանի հեռանալը` գործով մեղադրյալ Սամվել Վարդանյանը հայտարարությամբ հանդես եկավ՝ հայտնելով, որ իր կողմից կատարվածը հանցանք չի համարում, չի ընդունում իրեն առաջադրված մեղադրանքը:
«Ընդգծում եմ՝ իմ խնդիրը Հակոբ Ասլանյանի հետ անձնական չէ, այդ պահին նա եղել է իշխանության մաս, իշխանություն, որին համարում եմ պատասխանատու ՀՀ լրջագույն խնդիրների համար: Իմ կոշտ գնահատականն եմ այդ պահին ընդամենը ներկայացրել:
Ակնկալում եմ՝ դատարանը կկայացանի արդարացման վերդիկտ»:
Կարդացեք նաև
Հիշեցնենք, որ Սամվել Վարդանյանը մեղադրվում է նախկին իշխանական պատգամավոր Հակոբ Ասլանյանի նկատմամբ խուլիգանություն անելու և համացանցում ատելություն հրահրող հրապարակային խոսք տարածելու համար։ Համացանցում տարածված տեսանյութի համաձայն՝ 2024 թվականի ապրիլի 15-ին Սամվել Վարդանյանը հանրային տրանսպորտում նկատել է ԱԺ պատգամավոր Հակոբ Ասլանյանին և նրա հասցեին հնչեցրել «հակահայ վիժվածք», «ժեխ բիձա» եւ նմանատիպ այլ արտահայտություններ: Հիշեցնենք նաեւ, որ պատգամավորի հետ ունեցած միջադեպից հետո Սամվել Վարդանյանը ձերբակալվել ու ոստիկանների կողմից խոշտանգման էր ենթարկվել:
Արփինե ՍԻՄՈՆՅԱՆ
