Սլովակիայի մայրաքաղաքում այսօր մեկնարկած ազատ ոճի ըմբշամարտի Եվրոպայի առաջնությունում Եվրոպայի գործող չեմպիոն 70 կգ քաշային Արման Անդրեասյանը մտել է եզրափակիչ եւ վաղը Ըմբշամարտի միջազգային միության դրոշի ներքո հանդես եկող Դավիթ Բաեւի հետ կգոտեմարտի Եվրոպային երկրորդ անընդմեջ ոսկե մեդալը նվաճելու համար:
Կիսաեզրափակչում Արմանը միավորների 3:1 տարբերությամբ պարտության մատնեց Վրաստանի ներկայացուցիչ Ակակի Կեմերտելիձեին: Սա այս ըմբիշների երրորդ դիմակայությունն էր ու բոլորում էլ հաղթել է հայ ըմբիշը: Ընդ որում, նախորդը՝ անցած տարի, Եվրոպայի առաջնության եզրափակչում:
Այսօր մրցագորգ մտած մեր եւս երեք ըմբիշներ մեդալի համար պայքարելու իրավունք են ստացել: 57 կգ քաշային Մանվել Խնձրցյանը, 65 կգ՝ Վազգեն Թեւանյանը եւ 97 կգ՝ Գուրգեն Սիմոնյանը կմասնակցեն սփոփիչ գոտեմարտերի եւ այդ արգելքը հաղթահարելու պարագայում կգոտեմարտեն բրոնզե մեդալի համար:
Կարդացեք նաև
Աշոտ ՀԱԿՈԲՅԱՆ
