Ապրիլի 4-ին, ժամը 21:35-ի սահմաններում ՀՀ ներքին գործերի նախարարության Ոստիկանության քրեական ոստիկանության գլխավոր վարչությունում օպերատիվ տեղեկություններ են ստացվել, որ Արուճ գյուղում վիճաբանություն է տեղի ունեցել, որի ժամանակ կրակոցներ են հնչել։
Պարզվել է, որ նույն օրը՝ ժամը 20:30-ի սահմաններում, նույն գյուղի դպրոցի մոտ նույն գյուղի բնակիչ 34-ամյա Սամվել Հ.-ն իր մոտ ապօրինի պահվող որսորդական հրացանից մի քանի կրակոց է արձակել նույն գյուղի բնակիչ 31-ամյա Ֆահրադ Հ.-ի կողմից վարած «Mercedes» մակնիշի ավտոմեքենայի ուղղությամբ։ Իսկ նշված ավտոմեքենայում այդ պահին եղել է նաև Արուճ գյուղի բնակիչ 20-ամյա Սերգեյ Ա.-ն։
Կրակոցների հետևանքով վնասվել է նշված ավտոմեքենայի հետևի հողմապակին, հետևի ձախ լուսարձակն ու անվաթևը։
Դեպքի վայրում էլ հայտնաբերվել են նշված «Mercedes»-ը և կրակված պարկուճներ։
Կարդացեք նաև
Գ. Շամշյանի տեղեկություններով՝ պատճառը եղել է ավտոմեքենան արագ վարելն ու իրար չզիջելը։
Լուսանկարը՝ Սմբատ Պետրոսյանի
Նյութն ամբողջությամբ՝ սկզբնաղբյուր կայքում:
