Լրահոս
Օրվա լրահոսը

Մխիթար Հայրապետյանն այցելել է Փարիզի պոլիտեխնիկական դպրոց` քննարկելու Հայաստանի և Ֆրանսիայի տեխնոլոգիական կրթական և գիտահետազոտական կառույցների միջև համագործակցության խորացման հնարավորությունները

Ապրիլ 05,2025 22:24

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Ապրիլի 5-ին Ֆրանսիայի Հանրապետություն կատարած աշխատանքային այցի շրջանակում ՀՀ բարձր տեխնոլոգիական արդյունաբերության նախարար Մխիթար Հայրապետյանն այցելել է École polytechnique՝ Փարիզի պոլիտեխնիկական դպրոց, և Ֆրանսիայի առաջատար ինժեներական հաստատություններից մեկը՝ ENSTA ParisTech՝ քննարկելու Հայաստանի և Ֆրանսիայի տեխնոլոգիական կրթական և գիտահետազոտական կառույցների միջև համագործակցության խորացման հնարավորությունները։

Հանդիպումների ընթացքում կողմերը ներկայացրել են բարձր տեխնոլոգիական կրթության ոլորտում առկա ներուժն ու մարտահրավերները, մասնավորապես շեշտադրվել է նորարարական և կիրառական գիտելիքներին միտված համատեղ կրթական ծրագրերի անհրաժեշտությունը։ Քննարկվել են մի շարք թեմաներ միտված համատեղ ինժեներական նախագծեր, գիտահետազոտական նախաձեռնություններ իրականացնելուն՝ ուղղված տվյալագիտության, արհեստական բանականության, կիբերանվտանգության և կայուն տեխնոլոգիաների ոլորտներում լուծումների մշակմանը։

 

Կարևորվել է նաև արդյունաբերություն-կրթություն կապի խորացումը՝ առաջատար ֆրանսիական ընկերությունների և համալսարանների փորձի ուսումնասիրությամբ։ Հայրապետյանը ներկայացրել է Հայաստանի ռազմավարական տեսլականը՝ զարգացնել միջազգային չափանիշներին համահունչ տեխնոլոգիական կրթական միջավայր, որտեղ կապը կրթության, գիտության և արդյունաբերության միջև լինի անքակտելի։
Հանդիպումների արդյունքում ձեռք են բերվել մի շարք պայմանավորվածություններ՝ ուղղված համատեղ աշխատանքային խմբերի ձևավորմանը, փորձի փոխանակման մեխանիզմների ներդրմանը, ինչպես նաև հայ ուսանողների և երիտասարդ մասնագետների ներգրավմանը միջազգային կրթական նախաձեռնություններում։

Հանդիպումներին մասնակցել են նաև նախարարի առաջին տեղակալ Գևորգ Մանթաշյանը և ՀՀ ԲՏԱ նախարարության Ռազմարդյունաբերության կոմիտեի նախագահ Արամ Ջիվանյանը, ինչպես նաև Ֆրանսիայում Հայաստանի դեսպան Արման Խաչատրյանը։

ՀՀ ԲԱՐՁՐ ՏԵԽՆՈԼՈԳԻԱԿԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐՈՒԹՅՈՒՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2025
Երկ Երե Չոր Հնգ Ուրբ Շաբ Կիր
« Մար    
 123456
78910111213
14151617181920
21222324252627
282930