Այսօր` 2025 թվականի ապրիլի 5-ին, հերթական` թվով երրորդ ահաբեկչական հարձակումն է տեղի ունեցել Երևանի ավագանու «Մայր Հայաստան» խմբակցության անդամ, փաստաբան, «Երկիր Ծիրանի» կուսակցության նախագահ Զարուհի Փոստանջյանի հայրական տան վրա։
Նախորդ՝ նույն «ձեռագրով» կատարված հանցավոր արարքներից հետո պատկան իրավապահ մարմինները փոխանակ՝ քրեական վարույթ նախաձեռնելուց հետո, անհետաձգելի վարույթային (ինչպես նաև օպերատիվ հետախուզական) գործողություններ ձեռնարկելու և հանցանքն ու դա կատարած անձանց «տաք հետքերով» բացահայտելուն ուղղված օրենսդրությամբ նախատեսված պարտադիր պարտականությունները կատարելու, ակնհայտորեն դրսևորել են անգործություն, ինչը բավարար (անհրաժեշտ) նպաստավոր պայմաններ է ստեղծել «նույն» հանցանքը նույն անձի (անձանց) կողմից կրկին կատարելու համար, իսկ այս պարագայում նույնիսկ ոչ մասնագետ և անկողմնակալ դիտորդի մոտ աներկբայորեն կարող է առաջացնել վարկած (հիմնավոր կասկած) առ այն, որ նման դեպք կարող էր տեղի ունենալ իրավապահ որոշ մարմինների ակտիվ ներգրավվածության և բացահայտ թողտվության պայմաններում։ Ուստի օբյեկտիվ, անաչառ, լրիվ և բազմակողմանի քննության արդյունքում կարող են պարզվել այնպիսի հանգամանքներ, որոնք հիմք կհանդիսանան իրավապահ մարմինների որոշ աշխատակիցների ևս մեղսագրել առնվազն հանցակցություն կատարելու մեջ։
Հետևաբար իրավապահ մարմիններին կոչ ենք անում լինել զգոն, հրաժարվել նման արատավոր մոտեցումներից և դրսևորել պատշաճ վարքագիծ` հանցավորության դեմ պայքարի պատվավոր առաքելության գործում։
Կարդացեք նաև
«Երկիր Ծիրանի» կուսակցություն
