«Արամ Խաչատրյան» համերգասրահում տեղի ունեցավ «Արտիստը՝ դպրոցին» ծրագրով կազմակերպված եզրափակիչ գալա համերգը: Երևանի քաղաքապետարանի ենթակայության երաժշտական և արվեստի դպրոցների սաների հետ բեմում էր անվանի թավջութակահար, ՀՀ վաստակավոր արտիստ Նարեկ Հախնազարյանը:
Հախնազարյանը դասերն անցկացրել է 2025 թվականի փետրվար-մարտ ամիսներին և պատանի երաժիշտներին փոխանցել իր փորձն ու գիտելիքները: Համերգին մասնակցեցին պատանի թավջութակահարներ, ովքեր, վարպետության դասերի շնորհիվ ձեռք բերեցին նոր հմտություններ: Նախագիծը նպատակ ունի բարելավել մշակութային կրթությունը, բացահայտել տաղանդավոր երեխաներին և աջակցել նրանց մասնագիտական վերելքին: «Արտիստը՝ դպրոցին» ծրագրի հաջորդ շրջափուլը կկայանա 2025թ. աշնանը:
«Արտիստը՝ դպրոցին» ծրագիրը մեկնարկել է 2023թ.: Վարպետության դասերով հանդես են եկել նաև դաշնակահար, ՀՀ վաստակավոր արտիստ Հայկ Մելիքյանը և օպերային երգիչ, ՀՀ ժողովրդական արտիստ Բարսեղ Թումանյանը:
ԵՐԵՎԱՆԻ ՔԱՂԱՔԱՊԵՏԱՐԱՆ
