«Սա փաստում է մի բան, որ Հայաստանում ժողովրդավարությունն իրապես արմատանում եւ անշրջելի իրողություն է դառնում»,- կառավարության նիստից հետո լրագրողների հետ ճեպազրույցում ասաց առողջապահության նախարար Անահիտ Ավանեսյանը՝ անդրադառնալով Գյումրիում տեղի ունեցած ընտրություններին։
Նա ասաց, որ ցանկացած ընտրական պրոցեսից հետո մասնակիցները վերլուծում են արդյունքները։ «Ըստ էության, ձայների առումով մենք ավելի շատ ձայներ ունենք հավաքած 2021 թվականի համեմատ, բայց արդյունքները մեզ չեն գոհացնում, եւ Քաղաքացիական պայմանագիր կուսակցությունը, մանրամասն վերլուծելով ընթացքն ու արդյունքները, որոշակի հետեւություններ անելով, կպատրաստվի հաջորդ ընտրություններին»,- ասաց նա։
Հարցին, թե կիսո՞ւմ է ՔՊ-ական Վիլեն Գաբրիելյանի այն տեսակետը, որ 2026-ին Հայաստանում իշխանություն է փոխվելու, Անահիտ Ավանեսյանը պատասխանեց․ «Չէ, չեմ կիսում։ Մեր կառավարությունը իրագործում է տված խոստումները, մեր քաղաքացիների կյանքը դեպի բարելավում է տանում եւ միանշանակ հավակնում է 2026 թվականին եւս իշխանության գալ»։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
