«Կա շարունակական դիվանագիտական աշխատանք գերիների ազատ արձակման եւ Հայաստան վերադարձնելու հարցի շուրջ։ Այդ աշխատանքն ամենօրյա աշխատանք է թե Հայաստանի կառավարության, թե խորհրդարանական դիվանագիտության տեսանկյունից»,- խորհրդարանում լրագրողների հետ ճեպազրույցում ասաց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։
Նա նշեց, որ «խաղաղության գործընթացը» եւս շատ կարեւոր գործընթաց է՝ այդ հարցի լուծման համար։ «Դիրքորոշումն այն է, որ գերիները պետք է ազատ արձակվեն ու վերադարձվեն, եւ այդ դատական գործերը, պրոցեսները դադարեցվեն, որովհետեւ դրանք անընդունելի են, մարդասիրական որեւէ նորմի չեն համապատասխանում»,- ասաց նա։
Սարգիս Խանդանյանի խոսքով՝ տրամաբանական չի լինի, եթե «խաղաղության պայմանագիրը» ստորագրվի, եւ Հայաստանի քաղաքացիներն Ադրբեջանում լինեն գերեվարության մեջ։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
