Լրահոս
Օրվա լրահոսը

Արցախից բռնի տեղահանված ընտանիքների համապարփակ վերականգնմանն ուղղված «Թևեր» ծրագիրը հասանելի է նաև Երևանում

Ապրիլ 02,2025 17:20

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Արցախից բռնի տեղահանված ընտանիքների համապարփակ վերականգնմանն ուղղված «Թևեր» ծրագիրն այժմ հասանելի է նաև Երևանում: Ծրագրի այս փուլին մասնակցում են 69 երեխա և 44 ծնող: Այն իրականացնում է «Մենք ենք մեր սարերը» զարգացման գործակալությունը՝ ֆրանսիական «Սատար Արցախին» միության հովանավորությամբ։

Ծրագիրը ներառում է հոգեբանական, ինտելեկտուալ և ֆիզիկական վերականգնման բաղադրիչներ, որոնք օգնում են տեղահանված երեխաներին և նրանց ընտանիքներին հաղթահարել ադապտացման դժվարությունները։ Ծրագիրը մեկնարկել է 2023 թվականին Դիլիջանում և հետագայում ընդլայնվել՝ ընդգրկելով նաև Գյումրին։

«Դիլիջանում գրեթե բոլոր արցախցի երեխաները մասնակցել են «Թևեր» ծրագրին, և դրա արդյունքները վկայում են երեխաների և ծնողների հուզական կայունության ու նոր հմտությունների զարգացման մասին», – նշում է ծրագրի ղեկավար Սոնա Հովհաննիսյանը։

Երևանում «Թևեր»-ն իրականացվում է «Ինթրա» հոգեկան առողջության կենտրոնի հետ համատեղ: Նախնական գնահատումները ցույց են տալիս, որ ծրագրի շահառուների մեծ մասը տագնապայնության բարձր մակարդակ ունի, ուստի նրանց համար մշակվել են հատուկ թերապևտիկ մոտեցումներ։

«Ստեղծագործական մեթոդները օգնում են երեխաներին բացահայտել իրենց ներաշխարհը և հաղթահարել ներքին լարվածությունը», – նշում է ծրագրի արտթերապևտը։ «Խզբզանքի» վարժության միջոցով, օրինակ, ուսումնասիրում ենք, թե ինչպես են երեխաները կառուցում իմաստային կապեր ու գտնում լուծումներ քաոսային իրավիճակներում»։
Ծրագրի ծնող-շահառուները նույնպես ընդգծում են ծրագրի արդյունավետությունը.
«Երեխաս նոր միջավայրում դժվար էր հարմարվում, բայց այստեղ շատ արագ բացվեց», – պատմում է ծրագրի շահառուներից մեկի ծնողը։

«Դրամաթերապիայից հետո երեխան ցնծությամբ վերադարձավ տուն։ Չէի պատկերացնում, որ արդյունքը այդքան արագ կերևա», – կիսվում է մեկ այլ ծնող։

Ֆիզիկական վերականգնման բաղադրիչը իրականացվում է Հայաստանի Ֆուտբոլի ֆեդերացիայի ակադեմիայի հետ համագործակցությամբ։ Արցախցի երեխաները երեք առաջարկված մարզաձևերից ընտրել են լողը։

Առաջիկայում կմեկնարկի նաև կրթական բաղադրիչը, որը նպատակ ունի խթանել 12-18 տարեկան երեխաների անհատական զարգացումը։
🔹 «Թևեր» ծրագրին առ այսօր մասնակցել է 387 երեխա և 228 ծնող։
🔹 Դիլիջանում ծրագրին միացել են նաև տեղաբնակ ընտանիքներ, ինչը նպաստել է փոխադարձ ինտեգրմանը։

«Մենք ենք մեր սարերը» զարգացման գործակալությունը հիմնադրվել է 2020թ.-ին Ռուբեն Վարդանյանի կողմից` Արցախում և Սյունիքում զարգացման ծրագրեր իրականացնելու նպատակով: 2023 թվականից կազմակերպության գործունեությունն ուղղված է բռնի տեղահանված արցախցիներին աջակցությանը և Սյունիքի տարածքային զարգացմանը:

«Մենք ենք մեր սարերը» զարգացման գործակալություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2025
Երկ Երե Չոր Հնգ Ուրբ Շաբ Կիր
« Մար    
 123456
78910111213
14151617181920
21222324252627
282930