«2016-ին ես դպրոցական եմ եղել։ Դպրոցական տարիքից իմ մեջ եղել է այն միտքը, որ հենց որդի ունենամ, անունը Ռոբերտ եմ դնելու։ Ամսի 23-ին է տղաս ծնվել, անունը Ռոբերտ եմ դրել։ Ռոբերտ Աբաջյանի քայլն ինձ համար ուրիշ քայլ է եղել․ շատերը չէին անի, ոչ ոք չի անի նման քայլ։ Ռոբերտի արածը հերոսի քայլ է»,- հերոս Ռոբերտ Աբաջյանի շիրիմի մոտ լրագրողների հետ զրույցում ասաց մի երիտասարդ։
Արցախի հերոս Ռոբերտ Աբաջյանի հայրն էլ նշեց, որ իրեն այդ երիտասարդը պատմել է՝ ներողություն է խնդրել իր հորից, մյուսներից ու ասել, որ որդուն անվանակոչում է Ռոբերտ, այնուհետև նշեց․ «Թող որդիդ էս երկրին արժանի հայ մեծանա, էն հանձնվող հայի տեսակից հեռու»։
Երիտասարդ տղան էլ պատասխանեց․ «Հայի մեջ հանձնվող տեսակը շատ քիչ է»։
Նշենք, որ այսօր 2016 թվականի Ապրիլյան քառօրյա պատերազմի 9-րդ տարելիցն է։
Կարդացեք նաև
Եռաբլուրում իրենց հարգանքի տուրքը մատուցեցին ԱՀ նախագահ Սամվել Շահրամանյանը, Դադիվանք վանական համալիրի նախկին վանահայր Տեր Հովհաննես քահանա Հովհաննիսյանը, Արցախի ազգային ժողովի պատգամավորներ, քաղաքացիներ։
Տաթև ՀԱՐՈՒԹՅՈՒՆՅԱՆ
