Լրահոս
Օրվա լրահոսը

Հայաստան-Վիետնամ համագործակցությունը ներդաշնակորեն է զարգանում. Երևանում կայացել է երկու երկրների գործարարների հանդիպում

Ապրիլ 02,2025 16:16

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Ապրիլի 2-ին Երևանում կայացել է Հայաստանի և Վիետնամի գործարարների հանդիպում, որը կազմակերպվել էր ՀՀ էկոնոմիկայի նախարարության և Վիետնամի ֆինանսների նախարարության համատեղ նախաձեռնությամբ։

Միջոցառմանը ողջույնի խոսքով հանդես են եկել ՀՀ ԱԺ նախագահի տեղակալ Հակոբ Արշակյանը և Վիետնամի Սոցիալիստական Հանրապետության Ազգային ժողովի նախագահ Չան Թան Մանը։

Պաշտոնական բացմանը հաջորդել է Հայաստանի և Վիետնամի գործարար համայնքի ներկայացուցիչների միջև «կլոր սեղան» ձևաչափով հանդիպումը, որին ներկա են եղել ՀՀ էկոնոմիկայի նախարարի տեղակալ Էդգար Զաքարյանը, պետական այլ գերատեսչությունների ներկայացուցիչներ։

«Հայաստանի և Վիետնամի միջև համագործակցությունը տարբեր ոլորտներում ներդաշնակորեն է զարգանում և ես կարծում եմ, որ այսօրվա հանդիպումը և տարբեր հարթակներում միջոցառումները թույլ կտան երկու երկրների գործարարներին փոխանակվել փորձագիտական կարծիքներով, քննարկել փոխադարձ առաջարկությունները և հաստատել նոր գործարար կապեր», – նշել է Էդգար Զաքարյանը։

Կլոր սեղանին մասնակցել են երկու երկրներից շուրջ 80 գործարարներ, որոնք ներկայացնում էին տնտեսության տարբեր ոլորտներ՝ հանքարդյունաբերություն, նավթարդյունաբերություն, տեքստիլ արդյունաբերություն, ծխախոտի արտադրություն, ՏՏ, լոգիստիկ ծառայություններ, միջազգային բեռնափոխադրումներ, ավիացիա, սննդի արդյունաբերություն, հեռահաղորդակցություն, զբոսաշրջություն, արևային էներգետիկա, անշարժ գույք, բանկային ոլորտ, ներդրումներ, բժշկական ծառայություններ, բիզնես խորհրդատվություն և այլն։

ՀՀ էկոնոմիկայի նախարարություն 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2025
Երկ Երե Չոր Հնգ Ուրբ Շաբ Կիր
« Մար    
 123456
78910111213
14151617181920
21222324252627
282930