Լրահոս
Օրվա լրահոսը

Գոնե այս պահի դրությամբ ՔՊ-ն Գյումրիում չունի պարտնյոր կուսակցություն, որն իրեն անհրաժեշտ ձայներ կփոխանցի․ Վիգեն Հակոբյան

Ապրիլ 02,2025 13:25

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

«Եթե Գյումրիի ընտրությունների մասին ենք խոսում, կարող եմ արձանագրել, որ ունենք 2 ինտրիգ, 2 հարցի պատասխան էինք սպասում․ մեկը՝ արդյոք ՔՊ-ն կկարողանա նորից իշխանությունը վերցնել Գյումրիում, եւ երկրորդ հարցը՝ եթե չի վերցնում, ապա որ ուժն է կամ անձնավորությունն է հավակնելու քաղաքապետի պաշտոնին։ Մեկի պատասխանն այս պահի դրությամբ կարծես թե ունենք, եթե ֆորս մաժորային լուծումներ, մեծ կամ փոքր դավադրություններ չլինեն՝ ՔՊ-ն չի կարողանալու ղեկավարել Գյումրին, բայց երկրորդ հարցի պատասխանը դեռեւս բաց է մնացել։

Պարզ չէ, թե ի վերջո ինչպես է ձեւավորվելու Գյումրիի նոր իշխանությունը․․․Քաղաքականացված ամբողջ հանրությունը, ովքեր հետաքրքրվում են ռեալ կյանքով Հայաստանում, սպասում է մեկ մարդու հստակ պատասխանի, թե ինչ դիրքորոշում է ունենալու նա Գյումրիի ընտրությունների վերաբերյալ․ Մարտուն Գրիգորյանը դեռեւս հստակ պատասխան չի տվել, թե իր քվեներն ինչ է անելու»,- Sputnik Արմենիայի մամուլի սրահում կայացած ասուլիսում նշեց քաղտեխնոլոգ Վիգեն Հակոբյանը։

Վիգեն Հակոբյան

«Ամեն դեպքում առաջին հարցի պատասխանը, հայտնի է, եւ երբ ասում ենք՝ ՔՊ-ն իշխանություն չի վերցնում Գյումրիում, դա նշանակում է, որ ՔՊ-ն իսկապես պարտվել է։ Անկախ նրանից ՔՊ-ի թեկնածուն առաջինն է, երկրորդն է, թե երրորդն է, պառլամենտարիզմի գաղափարն այն է, որ ավագանու սկզբունքը համապետականի մինի մոդելն է մեծ քաղաքներում, տվյալ դեպքում՝ Գյումրիում։ Մենք տեսնում ենք, որն նոմինալ առումով գոնե այս պահի դրությամբ ՔՊ-ն չունի պարտնյոր կուսակցություն, որն իրեն անհրաժեշտ ձայներ կփոխանցի, որպեսզի իշխանություն ձեւավորի։ Փաստենք, որ ՔՊ-ն պարտվել է, այլ հարց է, թե ով է հաղթել ի վերջո։ Այստեղ կարող են լինել տարբերակներ, բայց ես չեմ ուզում խրվել կոնսպիրոլոգիաների մեջ»,- հավելեց քաղտեխնոլոգը։

Նա հույս հայտնեց, որ Մարտուն Գրիգորյանը ձայները կփոխանցի ընդդիմադիր հատվածին, այն համագործակցությանը, որի հիմնական նպատակն է ՔՊ-ին իշխանազրկելը, հատկապես, որ այդ թեմայով համառ լուրեր են պտտվում։

Մանրամասն՝ տեսանյութում․

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2025
Երկ Երե Չոր Հնգ Ուրբ Շաբ Կիր
« Մար    
 123456
78910111213
14151617181920
21222324252627
282930