Լրահոս
Օրվա լրահոսը

ԵԹԿՊԻ-ի դասախոսը դասընթացներ է անցկացրել Բուխարեստի թատրոնի և կինոյի ազգային համալսարանում

Ապրիլ 02,2025 11:25

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Էրազմուս+ դրամաշնորհային ծրագրի շրջանակում Բուխարեստի Ի. Լ. Կարաջալեի անվան թատրոնի և կինոյի ազգային համալսարանում երկշաբաթյա դասընթաց է անցկացրել ԵԹԿՊԻ-ի դասախոս Հարություն Մինասյանը (Բեգ-Վանյան)։ Դասընթացի ընթացքում նա ուսանողների հետ կիսվել է իր մասնագիտական փորձով ու գիտելիքով՝ անդրադառնալով ժամանակակից թատերարվեստի մեթոդներին, ռեժիսորական մտածողության զարգացման գործիքակազմին, ինչպես նաև դերասանի վարպետության արդի միտումներին։

Դասընթացն ընդգրկել է տեսական ու գործնական բաղադրիչներ։ Հարություն Մինասյանի (Բեգ-Վանյան) վարած վարժանքները և գործնական աշխատանքները խթանել են մասնակիցների ստեղծագործական ինքնաբացահայտումը։ Իսկ այդ ամենն ամբողջացել է ներկայացման տեսքով:

-Կարևոր էր տեսնել, թե ինչպես են տարբեր մշակութային միջավայրերից ուսանողներն ընկալում ու յուրացնում նորարարական մոտեցումները, ինչպես են դրանք համադրում սեփական փորձառության հետ։ Ինձ համար այս փոխանակումը ոչ միայն ուսուցանելու, այլև սովորելու գործընթաց էր, քանի որ մասնագիտական երկխոսությունը միշտ նոր հեռանկարներ է բացում,- ասում է Հարություն Մինասյանը՝ շարունակելով,- Մեծ տպավորություն թողեց մասնակիցների ներգրավվածությունը և նրանց ստեղծագործական մոտեցումն առաջադրված խնդիրներին։ Մենք փորձեցինք համատեղ գտնել նաև թատերական արտահայտչամիջոցների նոր ձևեր, փորձարկել դասական ու ժամանակակից մեթոդները՝ դրանք համապատասխանեցնելով թատերարվեստի պահանջներին,-եզրափակում է երիտասարդ դասախոսը:

Այս փոխանակումը ևս մեկ քայլ է դեպի միջազգային կրթական համագործակցության խորացում՝ ապահովելով հայ թատերարվեստի մոտեցումների տարածումը եվրոպական կրթական միջավայրում։

ԵՐԵՎԱՆԻ ԹԱՏՐՈՆԻ ԵՎ ԿԻՆՈՅԻ ՊԵՏԱԿԱՆ ԻՆՍՏԻՏՈՒՏ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2025
Երկ Երե Չոր Հնգ Ուրբ Շաբ Կիր
« Մար    
 123456
78910111213
14151617181920
21222324252627
282930