ԱԺ ՔՊ խմբակցության պատգամավոր Վիլեն Գաբրիելյանը հայտարարել է մանդատը վայր դնելու մասին:
«Անցած կիրակի Գյումրի քաղաքում իմ մասնակցությամբ այսպես ասած միջադեպերը համարում եմ ոչ վայել Հայաստանի Հանրապետության Ազգային ժողովի պատգամավորի վարքին: ԱԺ պատգամավորն իր առաքելությունում պարտավոր է չդրսևորել անհարկի վարքագիծ:
Ըստ այդմ՝ բոլորիցդ հրապարակային հայցում եմ ներողություն և պաշտոնապես հայտարարում եմ, որ վայր եմ դնում ԱԺ պատգամավորի մանդատս: Դիմումը արդեն հանձնել եմ ԱԺ աշխատակազմ», գրել է նա:
«ՉԻ». Հետաքրքիր է, որ այս որոշումը բուռն քննարկումների տեղիք է տվել: Մի մասը ողջունում է Վիլեն Գաբրիելյանի քայլը, մի մասն ասում է, որ պիտի բավարարվեր ներողություն խնդրելով, շատերի կարծիքով էլ՝ դա իրեն չի փրկի: Մի խոսքով, հազարավոր կարծիքներ:
Կարդացեք նաև
Եվ ուշագրավ է, որ իշխանավորները ձայն չեն հանում: Բա ի՞նչ ասեն: Անհարմար վիճակի մեջ են: Իրենց շարքերում մարդիկ կան, որոնք քաղաքացիների վրա թքել են, լրագրողներին հայհոյել են, աջ ու ձախ մարդկանց են վիրավորել, ու հեչ, նույնիսկ ներողություն չեն խնդրել, էլ ուր մնաց մանդատը վայր դնեին:
Ալեն Սիմոնյանին ու Անդրանիկ Քոչարյանին փոխանցեք, որ եթե մի քիչ թասիբ ունենային, կմիանային Վիլեն Գաբրիելյանի քայլին: Եթե ունենային:
Մեկնաբանությունը՝ «Չորրորդ իշխանություն»-ից
