Իրավապաշտպան Ռուբեն Մելիքյանն այսօր ստանձնել է 75-ամյա Կիմա տատիկի պաշտպանությունը:
«Դարի հանցագործն է, 48 ժամ է՝ ձերբակալված է, գտնվում է ձերբակալվածների պահման վայրում»,- ուղիղ եթերով հայտնեց պրն Մելիքյանը՝ Երեւան քաղաքի ձերբակալվածների պահման վայրից դուրս գալուց հետո:
Իրավապաշտպանը հայտնեց, որ 75-ամյա կնոջ աչքերից արցունքները հոսում էին, իրենից հարցնում էր. «Բալա ջան, ինձ ինչի՞ համար են այստեղ բերել»:
Ռուբեն Մելիքյանի դիտարկմամբ՝ Գյումրու ընտրությունների օրը շատ վատ ձեւով Հակակոռուպցիոն կոմիտեի օպերները, որոնք փոխանակ զբաղվեն շատ արագ հարստացող ՔՊ-ականներով, 40.000 դրամով ապրող 75-ամյա Կիմա տատիկների հետեւից են ընկել. «Ու 90-ամյա իր քեռու աղջկա, որին բաց են թողել՝ հլը դեռ էդքան բարոյականությունը հերիքում է: Վերջին ձեւով սպառնացել են՝ փակելու ենք քեզ, բանտերում փտելու ես, քաղաքական հարցեր են տվել, ինչ գործ ունես էսինչի, էնինչի հետ: Ոչ թե հարցեր, այլ գլխին նոտացիաներ են կարդացել»:
Կարդացեք նաև
Ռուբեն Մելիքյանի խոսքով, առանց փաստաբանի՝ կնոջը տեսախցիկի դիմաց հարցաքննել են: Եվ ըստ նրա՝ այդ ձայնագրությունները չեն հայտնվել ՔՊ-ի լրատվամիջոցներում, որովհետեւ հանցագործության նշույլ չկար:
Արփինե ՍԻՄՈՆՅԱՆ
