Ադրբեջանի ղեկավարի օգնական Հիքմեթ Հաջիևին ուղղված նամակում`Գերմանիայի նախագահի աշխատակազմի ղեկավար, պետքարտուղար Դյորտե Դինգեր ներողություն է խնդրել Ադրբեջանից «սխալ դրոշ» պատկերելու համար
Նամակում նշվում է, որ հրապարակման պատճառ է դարձել «տեխնիկական սխալը». «Դաշնային նախագահի սոցցանցերում կարճ ժամանակով հրապարակվել են դրոշի սխալ պատկեր և դրան կից տեքստ, որը վերաբերում է Ադրբեջանի շրջաններից մեկին։ Սխալը հայտնաբերելուց հետո համապատասխան հրապարակումն անմիջապես հեռացվել է։ Գրառումը հրապարակվել է տեխնիկական սխալի արդյունքում և որևէ նշանակություն չունի Ադրբեջանի տարածքային ամբողջականության վերաբերյալ Գերմանիայի հայտնի դիրքորոշման շրջանակում։ Շատ եմ ցավում տեղի ունեցած սխալի համար և կցանկանայի իմ անկեղծ ներողությունները հայտնել այն սխալ տպավորության համար, որը նշյալ հրապարակումն ազդել է Ադրբեջանում որոշ մարդկանց վրա»։
Նամակում նաև նշվում է, որ Գերմանիայի նախագահի Ադրբեջան այցը կամրապնդի երկրների միջև գործընկերությունը և տարածաշրջանում ընթացող խաղաղ գործընթացը։
Կարդացեք նաև
Հիշեցնենք՝ Գերմանիայի նախագահ Ֆրանկ-Վալտեր Շտայնմայերն իր սոցիալական ցանցերում Արցախի դրոշով լուսանկար է հրապարակել՝ անդրադառնալով արցախահայության թեմային։ Հրապարակմանը կից տեքստում նշվել է, որ Լեռնային Ղարաբաղը բնակեցված էր հիմնականում հայերով։
