Կոմունիստական կուսակցության ցուցակով առաջադրված Գյումրու նախկին քաղաքապետ Վարդան Ղուկասյանն այսօր իր մամուլի ասուլիսի ժամանակ թվարկեց այն բոլոր լծակները, որոնք օգտագործվել են երեկ՝ Գյումրի ՏԻՄ ընտրությունների օրը։
Նա նշեց, որ 13 տարի անց 10 հազար ձայն հավաքելը ընտրություններում, երբ պետական ողջ ապարատը քո դեմ է աշխատում, մեծ թիվ է։ Նա լրագրողներին հորդորեց չհամեմատել Գյումրու ՏԻՄ ընտրությունները Փարաքարի հետ, քանի որ ողջ երկրի ռեսուրսները՝ պաշտոնատար մարդկանցով, կենտրոնացած էին Գյումրիում։
Նրա տեղեկացմամբ, իրենք նկարահանել են, որ երեկ դրսից Գյումրի են բերվել 70-100 ավտոբուս։
Կարդացեք նաև
«Էլ չեմ ասում, որ ամբողջ պետությունը` մարզպետներով ու նախարարներով, պատգամավորներով էստեղ են եղել։ Էլ չեմ ասում, որ ձեր սայթերի մեջ գցածը, որ ընդհուպ Թուրքիայից մարդիկ են եղել, էդպիսի նյութեր կան, թե որտեղ են մնացել էդ մարդիկ․․․Մարդիկ կային Վրաստանից, մանավանդ Ախալքալաքի կողմից, էլ չեմ ասում , թե ինչքան ներկայացրեցին գումարների բաժանման հետ կապված, լրագրողները գնացին, տարբեր տեղեր, տեսան որտեղից ինչ դուրս եկավ։
Շատ փաստեր ունենք, չեմ ասում, որ տուն կա, բնակարան կա, որտեղ ասենք երկու հոգի են գրանցված, դարձել են 12 հոգի, մինչև էսօր էդ մարդիկ կան, եթե պետք եղավ, կասենք։
Էդպիսի մոտեցում հավանական է ոչ մի քաղաքում չի եղել, ինչ-որ արվել է Գյումրի քաղաքում։
Ես էդտեղից եմ խոսում ու 10 հազար ձայն հավաքելը էդտեղ, դա շատ մեծ թիվ է։ Հետո սոված քաղաքում, որտեղ մոտ 37 տարի մոտ քաղաքի 40 տոկոսն անապահով խավ է և այդ գումարները ինչքան կարևոր բան են մարդու համար, էստեղ մաքուր 10 հազար ձայն եմ հավաքել։
13 տարի աշխատած քաղաքապետն ինչքան խոցելի է, ընդհանուր առմամբ աշխարհում կա մի բան, եթե մարդն աշխատում է, ընդհանրապես խոցել ի է դառնում։
13 տարի աշխատել եմ, դրանից հետո անցել է 13 տարի, եկել եմ ու էսքան ձայներ եմ հավաքել։
Ես գտնում եմ, որ դա շատ մեծ արդյունք է։ Իհարկե, ես ավելի շատին էի սպասում, բայց էս թաղի հետ կապված՝ (նկատի ունի Սլաբոդկան) կարող եմ ասել, որ 40-50 տոկոսը չի բնակվում, մարդկանց դռները փակ են։ Մարդիկ ընդհուպ դրսերից եկան, հասան էստեղ, քվեարկեցին, նույն գիշերը հետ գնացին։ Այդպիսի տասնյակ մարդիկ էլ կային»,-ասաց Վարդան Ղուկասյանը։
Նունե ԱՐԵՎՇԱՏՅԱՆ
