Լրահոս
Օրվա լրահոսը

«2026 թվականի ընտրություններին մենք վստահ ենք, որ հաղթանակ ենք տանելու»․ Նարեկ Մկրտչյան

Մարտ 31,2025 18:40

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

«Հայաստանում ժողովրդավարություն է․ եւ կառավարությունը եւ բոլորս միասին պետք է հաշվի նստենք ու հարգենք քաղաքացու քվեն։ Եթե քաղաքացին որոշել է տվյալ անձին, տվյալ կուսակցությանը ձայներ ապահովել, ուրեմն պետք է հարգել։ Բնականաբար, պետք է վերլուծել»,- խորհրդարանում,  լրագրողների հետ զրույցում ասաց ՀՀ աշխատանքի եւ սոցիալական հարցերի նախարար Նարեկ Մկրտչյանը՝ անդրադառնալով երեկ Գյումրիում եւ Փարաքարում կայացած ընտրություններին:

Լրագրողներից մեկը նկատեց՝ Նարեկ Մկրտչյանը Փարաքարի բնակիչ է եւ իր ազդեցությունը, փաստորեն չի օգնել, որ ՔՊ թեկնածուն հաղթի։ Նարեկ Մկրտչյանը պատասխանեց․ «Առհասարակ Հայաստանում չկան ազդեցության գոտիներ եւ չկան անձինք, որոնք կունենան X մարզում, X քաղաքում, գյուղում ազդեցության ինչ-որ լծակներ, հնարավորություններ: Ես արդեն նշեցի՝ յուրաքանչյուր արդյունքի հետ պետք է հաշվի նստել, պետք է հարգել քաղաքացիների տված քվեն, ձայնը, նրանց որոշումը և շարժվել առաջ։ Նորմալ է, ընտրությունները դրա մասին են»:

Նա համաձայն չէ, որ ժողովուրդը ՔՊ-ի նկատմամբ այլեւս այն վստահությունը չունի, ինչ ունեցել է. «2026 թվականի ընտրություններին մենք վստահ ենք, որ հաղթանակ ենք տանելու: Ես տեղյակ չեմ, Վիլեն Գաբրիելյանը ինչ է ասել  (երեկ նա ասել էր, որ 2026-ին Հայաստանում իշխանություն է փոխվելու -Ն․ Գ․), ես մի բան կարող եմ ասել, որ զարգացման այն ծրագրերը, որոնք մենք իրականացնում ենք, հաճախ կարծում եմ, մեր ամենամարտահրավերային կողմերից մեկը այն է, որ մենք այդ ծրագրերը պետք է ավելի արդյունավետ կարողանանք ներկայացնել։ Հաճախ նաեւ նույն խոշորացված բնակավայրերում, բնակավայրերի բնակիչների ոչ բոլոր ներկայացուցիչներն են տեղյակ, թե ինչ ծրագրեր կան, ինչպես են դրանք իրականացվում, ինչ զարգացում է դա ենթադրում: Կարծում եմ այստեղ կա աշխատանքի տեղ: Սա մեր հաջողությունն է, որ մենք կարողանում ենք Հայաստանում ժողովրդավարական ընտրություններ կազմակերպել, որտեղ ձեր ասած ազդեցության գոտիները չկան եւ ժողովրդի քվեն հարգվում է»:

 

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31