Մարտի 19-ից 23-ը, Շվեյցարիայի «Հակոբ Դ. Թոփալյան» հայկական հիմնադրամի նախաձեռնությամբ և ջանքերով, Հայաստանը հերթական անգամ մասնակցեց Ժնևի Գրքի միջազգային ամենամյա ցուցահանդես-տոնավաճառին:
Հայկական տաղավարում ցուցադրված էին Հայաստանում և արտերկրում վերջին տարիներին տպագրված հարյուրից ավելի հայերեն և օտարալեզու բազմաթիվ հրատարակություններ:
Ցուցահանդեսի հինգ օրերի ընթացքում, գրքերի ցուցադրությանը զուգահեռ, տեղի ունեցան դասախոսություններ՝ նվիրված հայ ժողովրդի պատմությանը, լեզվին, գրականությանը, երաժշտական արվեստին, ճարտարապետությանը, ՅՈՒՆԵՍԿՈ-ի Համաշխարհային ժառանգության ցանկում ներառված հայկական կոթողներին, ինչպես նաև Հայոց ցեղասպանությանը, Լեռնային Ղարաբաղի պատմամշակութային ժառանգությանը։ Առանձին անդրադարձեր կատարվեցին Հայաստանի զբոսաշրջային մեծ ներուժին, ինչպես նաև խաղողագործության և գինեգործության հարուստ ավանդույթներին։ Ներկայացվեց նաև Բրյուսելի «Պողոսյան» և Լիոնի «Բուլուկյան» հիմնադրամների գործունեությունը։
Ինչպես նախորդ տարիներին, այս տարի ևս, Հայաստանի տաղավարի հանդեպ ցուցահանդեսի այցելուների հետաքրքրությունը մեծ էր` պայմանավորված ներկայացված գրքերի բազմազանությամբ, ինչպես նաև դասախոսություններին հեղինակավոր բանախոսների մասնակցությամբ։
Կարդացեք նաև
1986 թվականանին հիմնադրված Ժնևի Գրքի միջազգային ցուցահանդեսն իր ծավալով աշխարհում երկրորդն է ֆրոնկոֆոն ցուցահանդեսների շարքում և ամենախոշորն է Շվեյցարիայում։ Յուրաքանչյուր տարի այն հյուրընկալում է շուրջ 100,000-ից ավելի այցելուների, 820 հրատարակչությունների և ավելի քան 800 հեղինակների։
2011 թվականին Ժնևի Գրքի միջազգային ցուցահանդեսի պատվավոր հյուրը Հայաստանն էր՝ ի նշանավորումն հայ գրատպության 500-ամյակի:
Շվեյցարիայում ՀՀ դեսպանություն և Ժնևի ՄԱԿ գրասենյակում ՀՀ մշտական ներկայացուցչություն
