Լրահոս
Օրվա լրահոսը

«Մեր քաղաքական նպատակը մեր հավաքական վերադարձն է, բայց մինչ այդ, ցանկանում ենք, որ Արցախի ժողովուրդն արժանապատիվ բնակվի Հայաստանում». Արտակ Բեգլարյան

Մարտ 31,2025 15:12

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

Արցախցիներն այսօր բողոքի ցույց արեցին աշխատանքի եւ սոցիալական հարցերի նախարարության շենքի մոտ։

«Արցախի ժողովրդի շահերի ու իրավունքների պաշտպանության միություն» ՀԿ նախագահ, Արցախի նախկին ՄԻՊ և նախկին պետնախարար Արտակ Բեգլարյանը լրագրողների հետ զրույցում ասաց. «Մեզ համար ամենակարեւոր հարցն այն է, որ բնակարանային ծրագիրը պետք է ապահովի կայուն ու արժանապատիվ լուծում մեր ժողովրդի կեցության համար։ Իհարկե, մեզ համար քաղաքական վերջնական նպատակը մեր հավաքական վերադարձն է, բայց մինչեւ հավաքական վերադարձը մենք ցանկանում ենք, որ Արցախի ժողովուրդը բնակվի այստեղ՝ Հայաստանի Հանրապետությունում։ Եվ դրա համար մենք պետք է ունենանք համարժեք արժանապատիվ պայմաններ»։

Նա ասաց, որ ՀՀ կառավարության բնակարանային ծրագիրն ինքնին այդ պայմանները չի ապահովում, որովհետեւ առկա են բազմաթիվ խնդիրներ։ Արցախցիների կողմից այդ խնդիրները բարձրաձայնվում են, բայց լուծում չեն ստանում։ «Սա գումարի հարց չէ, սա լուծումների ու մեխանիզմների հարց է։ Մենք պնդում ենք, որ պետք է լինի արցախցիների կենտրոնացված ու համայնքային բնակեցում, եւ զբաղվածության ծրագրերը փոխկապակցված լինեն բնակարանային ծրագրի հետ»,- նշեց նա։
 

Արտակ Բեգլարյանի խոսքով՝ արցախցիների շրջանում կա բավական բարձր աղքատություն, տարբեր փորձագիտական հաշվարկներով՝ Արցախի ժողովրդի շուրջ 80 տոկոսն աղքատության շեմից ներքեւ է գտնվում։ Իսկ սա նշանակում է, որ պետք է կայուն եկամտի հարցը լուծվի։

Բեգլարյանի խոսքով՝ երբ «40+10» ծրագիրը կտրուկ կրճատում են, եւ դրամ զուգահեռ բնակարանային ծրագիրը չի բարելավվում, արցախցիները բախվելու են սոցիալական լուրջ խնդիրների։ Եվ սա հանգեցնելու է արտագաղթի նոր ալիքի։

Արտակ Բեգլարյանը հավելեց, որ մոտ 100 հազար արցախցի հիմա ստանում է բնակվարձի աջակցություն՝ ի դեմս «40+10» հազարի։ Ապրիլից նախատեսվում է դադարեցնել 50-55 հազար քաղաքացիների աջակցությունը։ Իսկ մոտ 45 հազար մարդ ստանալու է կրճատված աջակցություն։

Մանրամասները՝ տեսանյութում

 

 

Ռոզա ՀՈՎՀԱՆՆԻՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31