Լրահոս
Օրվա լրահոսը

«Ասեք, պարո′ն վարչապետ, ի՞նչ պայմանագիր է, ի՞նչ ես ստորագրում․ քո բոլոր ստորագրած թղթերը մեր ազգին կործանման են տանում»․ Արա Աբրահամյան

Մարտ 31,2025 15:03

Լսել նյութի աուդիո տարբերակը

Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

«Ղարաբաղը վերցրին, տվեցին, մարդկանց բերեցին, մարդիկ դուրս եկան, որովհետև հո չէի՞ն մնա՝ էնտեղ իրենց սպանեցին, որովհետև պաշտպան չկար»,- Sputnik Արմենիա մուլտիմեդիոն մամուլի կենտրոնում հրավիրված մամուլի ասուլիսի ժամանակ ասաց Ռուսաստանի հայերի միության նախագահ Արա Աբրահամյանը։

Նա շարունակեց՝ հարցնելով՝ հիմա էլ ասում են՝ մենք իրենց էլ նպաստ չենք տալու, դա նորմա՞լ երևույթ է։

Լրագրողները հետաքրքրվեցին՝ նորմա՞լ է, որ ՀՀ իշխանություններն ասում են, որ իրենց համար Հայոց ցեղասպանության հարցն առաջնահերթություն չէ, Արա Աբրահամյանը պատասխանեց․ «Մոռացության միտումը շատ պարզ է․ գալիս է ՀՀ վարչապետից։ Ինքն է որոշում՝ ով գա ՀՀ, ով չգա, ում թողնեն, ում՝ ոչ։ Եթե այդպես է, ուրեմն ամենաշատը ինքն է օրենք խախտում։ Ցեղասպանության հետ կապված մենք հավաքվում ենք ամեն տարի, անցկացնում կլոր սեղան-քննարկում, միջազգային մասնագետների ենք բերում, իշխանություններն օգնում են։ ՌԴ նախագահն ասել է, որ ցեղասպանություն եղել է։ Մենք ասում ենք՝ չի եղել․ ի՞նչ է նշանակում՝ չի եղել։

Այսօր այս իշխանության համար ոչ մի առաջնային խնդիր չկա․ բանակը քայքայվում է, ոչինչ չի արվում, բանակին վախեցնում են, ասում են՝ չենք կարող պայքարել։ Ասում են՝ մենք ինքնուրույն ենք, վերջապես ստեղծեցինք ինքնուրույն պետություն։ Բայց ադրբեջանցիները մեզ մոտ են։ Ադրբեջանի նախագահն ասում է՝ Երևանը մերն է, կանենք՝ ինչ ուզում ենք, բայց ՀՀ ղեկավարը չի պատասխանում, միայն իր քաղաքացիներին է պատժում, մեր երկիրն արժեզրկում է։ Սա փաստ է։

Հարյուր հազար դոլար մրցանակ եմ սահմանելու, եթե ասեն՝ ինչ են արել տնտեսական հարցով, անվտանգության և միասնականության հարցով։ Թող ասեն, մենք էլ իմանանք, մենք էլ ներողություն կխնդրենք։ Բայց ինքը հոգեբանական ցեղասպանություն է արել ու մինչև հիմա անում է մեր ժողովրդի նկատմամբ։ Ինքը (Նիկոլ Փաշինյանին նկատի ունի,-Տ․Հ․) չի սիրում իր հայրենիքը, մեր երկիրը, ինքը բոլորին դրանով է չափում»։

Անդրադառնալով խաղաղության պայմանագրի հետ կապված գործընթացներին, դիմելով ՀՀ վարչապետ Նիկոլ Փաշինյանին, Արա Աբրահամյանը նշեց․ «Ասեք, պարոն վարչապետ, ի՞նչ պայմանագիր է, ի՞նչ ես ստորագրում, քո բոլոր ստորագրած թղթերը մեր ազգին կործանման են տանում»։

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31