«Կուզեի, որ այդ միասնականությունը կայանար, և բոլորն իրար միանային։ Ով չմիացավ, իր խիղճն իրեն, իր երեխաներին հանգիստ չի տալու, որովհետև այսօր շատ կարևոր է այդ միասնականությունը։ Գոնե այդ փոքր հաղթանակն օրինակ կլինի։ Հույս ունեմ, որ կմիանան։ Իմ կարծիքով՝ պետք է միանան»,- Sputnik Արմենիա մուլտիմեդիոն մամուլի կենտրոնում հրավիրված մամուլի ասուլիսի ժամանակ կարծիք հայտնեց Ռուսաստանի հայերի միության նախագահ Արա Աբրահամյանը՝ անդրադառնալով Գյումրիում կայացած ավագանու ընտրություններին, դրանց արդյունքներին և թե ինչպես պետք է վարվեն ընդդիմադիր թեկնածուները։
Արա Աբրահամյանը վստահեցրեց՝ հայրենիքի շահն այն է, որ բոլորս հավաքվենք, ընտրենք մեկին, որը երկիրն այս վիճակից ի վիճակի է հանել․ «Գյումրու երեկվա ընտրությունները կարևոր էին, և կարևոր է, որ ընդդիմադիր թեկնածուները միասնական լինեն»։
Արա Աբրահամյանի կարծիքով՝ ՀՀ վարչապետ Նիկոլ Փաշինյանն է մեր երկիրը բաժանել՝ իր սև-սպիտակով։
Կարդացեք նաև
Տաթև ՀԱՐՈՒԹՅՈՒՆՅԱՆ
