«Եթե Երեւան նախագիծը չափագրումներ է արել, ենթադրում եմ՝ վկայականներն ունենք»,-Երեւանի քաղաքապետարանի գործակարգավարական խորհրդակցություն ժամանակ Օղակաձեւ զբոսայգու 4-րդ հատվածի բարեկարգման աշխատանքների վերաբերյալ ասաց Երևանի քաղաքապետ Տիգրան Ավինյանը, երբ նրան զեկուցեցին, որ ուզում են պարզել՝ արդյոք տեղում եղած գույքերը ինքնակամ են:
«Եկեք համադրենք եղած վկայականները, եւ դա թող անի Երեւան նախագիծը՝ իրենց կողմից արված չափագրումների հետ եւ շատ կարճ տեղեկատվություն պատրաստի դրա վերաբերյալ: Բայց սա, ընդհանուր առմամբ գերակա շահի որոշման պրոցեսին չպետք է խանգարի»,-ասաց Տիգրան Ավինյանը:
Նաեւ հետաքրքրվեց. «Ճիշտ ե՞մ հիշում, որ դատախազության հետ կապված մի հարց ունեինք »: Նրան հայտնեցին, որ մի գույք կա, որը ապօրինի գույքի բռնագանձնման ընթացակարգով քննության առարկա է հանդիսանում՝ այդ գույքը ցանկում ներառելու եւ հետագայում գերակա շահ ճանաչելու առումով, եւ զուգահեռաբար դատախազության ու դատաիրավական մարմինների կողմից ընթացակարգերի արդյունքներով պայմանավորված պետք է դատախազությունից տեղեկատվություն, ստացվեր, որպեսզի որոշվեր, թե այդ գույքի նկատմամբ ինչ ռեժիմ պետք է գործի:
Ի պատասխան՝ Ավինյանն առաջարկեց՝ գերակա շահի որոշումը նորից քննարկել քաղաքաշինության կոմիտեում:
Կարդացեք նաև
Տեսանյութն՝ ավելի ուշ:
Գոհար ՀԱԿՈԲՅԱՆ
