Ապրիլի 21-ին ՀՀ հակակոռուցիոն դատարանում կշարունակվի Արմեն Հարությունյանի գործով քննությունը: Դատավորն է Սուրեն Խաչատրյանը: Պաշտպաններն են՝ Րաֆֆի Ասլանյանն ու Ալեքսան Խաչատրյանը:
Այս տարվա հունվարի 14-ից, մարտի 5-ից հետո դա կլինի նշանակված թվով երրորդ նիստը:
Երեւան քաղաքի Էրեբունի համայնքի ղեկավար Արմեն Հարությունյանին 2003 թվականի ապրիլի 18-ին ընդունված ՀՀ քրեական օրենսգրքի 308-րդ հոդվածի 2-րդ մասով մեղադրանք է ներկայացվել այն արարքի համար, որ հանդիսանալով պաշտոնատար անձ, անձնական այլ շահագրգռվածությունից ելնելով՝ պաշտոնեական դիրքն օգտագործել է ծառայության շահերին հակառակ եւ չի կատարել իր ծառայողական պարտականությունները, որն էական վնաս է պատճառել համայնքի օրինական շահերին, միաժամանակ նույն գործողություններն անզգուշությամբ առաջացրել են ծանր հետեւանքներ:
Ռուզան ՄԻՆԱՍՅԱՆ
Կարդացեք նաև
«Առավոտ» օրաթերթ
29.03.2025
