«Ուղղորդում են, մեքենաներով բերում են քվեարկության, հիմնականում մեծահասակներին»։ Այս մասին ահազանգեց Փարաքարի ավագանու ընտրություններում «Միասնություն» դաշինքի վստահված անձանցից մեկը, որը տեսախցիկի առջեւ չցանկացավ խոսել։
Նրա խոսքով՝ պետական համարանիշերով մեքենաների կուտակումներ են նկատվում 14/12 ընտրատեղամասի առջեւ։
«Նայեք աջ, նայեք ձախ. կուտակումներ են։ Դրսում ուղղորդում, ներս են ուղարկում։ Ներսում ամեն ինչ նորմալ է։ Ընտրատեղամասի ներկայացուցիչները շատ պրոֆեսիոնալ են աշխատում։ Հավանաբար, ընդդիմադիր դաշտի քաղաքացիներ են», – ընդգծեց զրուցակիցը։
Կարդացեք նաև
«Ճշտեցինք, որ մեքենաներից մեկը պատկանում է համայնքապետի ՔՊ-ական պաշտոնակատարին»։
Մեր զրուցակիցը հայտնեց նաեւ, որ «Քաղաքացիական պայմանագրից» եւ «Ազգային առաջընթացից» երկու վստահված անձ է եղել ընտրատեղամասում։
«Մեկական վստահված անձինք հեռացվել են», – տեղեկացրեց «Միասնության» վստահված անձը՝ հավելելով, որ թեեւ ընտրատեղամասի նախագահը «շատ պրոֆեսիոնալ է աշխատում» ընդհանուր իրավիճակը «բարդակ է»։
Արսեն ԱՅՎԱԶՅԱՆ
