Գյումրու թիվ 31/18 ընտրատեղամասում քիչ առաջ քվեարկության եկավ «Իմ հզոր համայնք» կուսակցության քաղաքապետի թեկնածու Ռուբեն Մխիթարյանը։
Նա ասաց` իր վերջին 15 օրվա վերլուծությունները ցույց են տվել, որ Գյումրիում ընդդիմադիր ուժերը պայքարում են ոչ թե ՔՊ-ի դեմ, այլ պետական վարչական ռեսուրսների, մասնավորապես Սարիկ Մինասյանի ԱԱԾ-ի պաշտոնյա եղբոր դեմ։
Մեր հարցին` ի վերջո ո՞վ կհաղթի այսօր` վարչական ռեսո՞ւրսը, թե ընդդիմադիր թեկնածուներից որևէ մեկը, թեկնածուն պատասխանեց, որ դա կախված է միմիայն գյումրեցիներից, որոնք պարտադիր ընտրատեղամասեր պիտի հասնեն ու քվեարկեն։
Նա ասաց` ունի ներքին համոզմունք, որ Գյումրին «Քաղաքացիական պայմանագիր» կուսակցությունից քաղաքապետ չի ունենալու։
Կարդացեք նաև
Ռուբեն Մխիթարյանը խոսեց նաև Արցախի թեմայով. ասաց` Արցախն իմ գլխի մեջ է, իմ հոգու մեջ է, ու Գյումրիից ամենաշատն են Արցախում ծառայել և չփորձեն գյումրեցներին ներկայացնել որպես փողով թռնող։
Ըստ նրա, այսօր գյումրեցիները կտան դրա պատասխանը։ Ըստ Ռուբեն Մխիթարյանի, Գյումրիի ընտրություններով իրենք փորձում են լուծել մեր խարխլված արժանապատվության հարցը։
Մանրամասները` տեսանյութում
Նունե ԱՐԵՎՇԱՏՅԱՆ
