Այսօր` 2025 թվականի մարտի 29-ին, ըստ էության, ահաբեկչական հարձակում է տեղի ունեցել Երևան քաղաքի Արաբկիր վարչական շրջանի Նաիրի Զարյան փողոց 11-13 հասցեների հարակից` Վրացական 2 հասցեում գտնվող տան վրա։ Հարձակում գործած անձը կամ անձինք կոտրել են տան ապակիները, տանիքին ամրացված խողովակը` պատճառելով բազում վնասներ։
Վերոնշյալ տունը Երևան քաղաքի ավագանու «Մայր Հայաստան» խմբակցության անդամ, փաստաբան, «Երկիր Ծիրանի» կուսակցության նախագահ Զարուհի Փոստանջյանի հայրական տունն է:
Արդեն տևական ժամանակ Զարուհի Փոստանջյանն ահազանգում է նշված հասցեների հարակից տարածքում տեղի ունեցող ապօրինի շինարարության և թույլտվության վերաբերյալ, որի մասին բազմաթիվ հաղորդագրություններ են ուղարկվել համապատասխան կառույցներին։
Կարդացեք նաև
Տեղի ունեցածից կարելի է ենթադրել, որ Երևան քաղաքի իշխանությունը ձախողած պաշտոնյաները և նրանց կամակատարները փորձում են այսպիսի հակաօրինական և թուրքերին բնորոշ վայրագություններով լռեցնել և ահաբեկել։
«Երկիր Ծիրանի» կուսակցությունը իրավապահի գործառույթ ունեցող կառույցներից պահանջում է անհապաղ բացահայտել և պատասխանատվության ենթարկել նշյալ ահաբեկչական գործողությունը կատարողներին և կազմակերպիչներին։
«Երկիր Ծիրանի» կուսակցություն
