«Քանի որ Արցախն ի վերուստ տրված էր՝ որպես հայկական, կասեմ՝ որպես Ամարասում աղոթք արած մարդ, Արցախը հայկական եղել է, հիմա կա մեր սրտերում, մի օր էլի լինելու է հայկական։ Պիտի հավատանք։ Եթե մենք փակենք այսօր Արցախի՝ հայկական լինելու էջը, վաղը պետք է փակենք Սյունիքի և մյուս բնակավայրերի՝ հայկական լինելու էջը։ Արցախը մեր փուշը չէր, մեր սիրտն էր»,-Ազատության հրապարակում լրագրողների հետ զրույցում հայտարարեց դերասանուհի Անաիս Սարդարյանը։
Լրագրողները նշեցին՝ նկատել են, որ մասնակցում է «Չենք վստահում Նիկոլ Փաշինյանի իշխանությանը» ակցիային ու հարցրին՝ ինչի՞ց է դժգոհ, դերասանուհին պատասխանեց․ «Ինչի՞ց պիտի գոհ լինեմ, ո՞ր կետի համար, որ ցեղասպանության հարցն են դնում հարցականի տա՞կ, որ ասում են՝ ղարաբաղյան շարժումը չենք շարունակելու։ Տո դուք չեք էլ սկսել ղարաբաղյան շարժումը, որ մի հատ էլ իրավունք ունենանք շարունակելու։ Դուք ուղղակի Արցախը Հայաստան է և վերջ սուտի գոռացողներն եք եղել, ու ձեր ամեն ինչը կառուցված է եղել ստի վրա»։
Տաթև ՀԱՐՈՒԹՅՈՒՆՅԱՆ