«Այս հանրահավաքը ժողովրդի ձայնն է, հանրությունն է իր իրավունքների համար եկել, գտնում եմ՝ դա ճիշտ է»,- Ազատության հրապարակում լրագրողների հետ զրույցում հայտարարեց «Վերածնվող Արցախ» շարժման համակարգող Անաստաս Իսրայելյանը։
Ինչպես արդեն տեղեկացրել ենք, ի պաշտպանություն արցախցիների իրավունքների հանրահավաքից հետո Ազատության հրապարակում վրաններ տեղադրվեցին։
Անաստաս Իսրայելյանի կարծիքով՝ ժողովուրդը պետք է պահանջատեր լինի մինչև վերջ ստանալու իր հարցերի պատասխանները․ «Ներկա իշխանությունները առիթավորված այս վիճակով օրեցօր փորձեր են անում Արցախի հարցը փակելու, Արցախի ժողովրդի իրավունքները ոտնահարելու»։
Նա վստահեցրեց՝ մենք պիտի մինչև վերջին հարցի պատասխանը ստանանք այս իշխանություններից։
Կարդացեք նաև
Դիտարկմանը՝ ՀՀ վարչապետ Նիկոլ Փաշինյանը հայտարարում է Ղարաբաղյան շարժումը մոռանալու մասին, Անաստաս Իսրայելյանն արձագանքեց․ «Ղալաթ են անում, որովհետև իրենք իրենց էությունով միայն կործանման են բերել, փորձության առաջ են կանգնեցրել մեր հայ ժողովրդին։ Արցախյան շարժումն իրենք չեն սկսել։ Արցախյան շարժումը եղել է համահայկական, միասնական՝ մի ազգի հարթակում»։
Տաթև ՀԱՐՈՒԹՅՈՒՆՅԱՆ
