Լրահոս
Օրվա լրահոսը

«Խաղաղության մասին խոսք լինել չի կարող քանի դեռ մենք մեր տներում չենք»․ Մետաքսե Հակոբյան

Մարտ 29,2025 19:36

Լսել նյութի աուդիո տարբերակը

00:00
01:12
Ձայնագրությունը գեներացված է Armenian Text to Speech արհեստական բանականության միջոցով, որն այս պահին գտնվում է թեստավորման փուլում

«Արցախցու ներկայիս պահվածքը հուսահատության վերջին ճիչն է»,- Ազատության հրապարակում ի պաշտպանություն արցախցիների անցկացված հանրահավաքից հետո լրագրողների հետ զրույցում նկատեց Արցախի «Արդարություն» խմբակցության պատգամավոր Մետաքսե Հակոբյանը։

Ինչպես արդեն տեղեկացրել ենք, ի պաշտպանություն արցախցիների իրավունքների հանրահավաքից հետո Ազատության հրապարակում վրաններ տեղադրվեցին։

Պատգամավորը ցավով նշեց՝ ՀՀ իշխանությունները մեզ այստեղ դիտարկում են սոցիալական աջակցության կարիք ունեցող մարդկանց, որոնց տվել են, տվել են, ու հիմա կարծում են՝ բավական  է տանք․ «Երբ մենք ձևակերպում ենք մեր պահանջները, չեմ կարծում՝ դրանք տեղավորվում են փող ուզելու մեջ»։

Խոսելով իրենց պահանջների մասին ՀՀ իշխանություններից՝ Մետաքսե Հակոբյանն  ասաց․ «Բանակցային օրակարգային գլխավոր հարցերից մեկը պետք է լինի մեր իրավունքների պաշտպանությունը։ Չի կարող խաղաղության մասին խոսք գնալ, քանի դեռ մենք մեր տներում չենք։ Մնացածը սուտ խոսակցություններ են, որոնցով մոլորեցնում են ժողովրդին։ ՀՀ իշխանությունները պարտավոր են արցախցիների մինչ հավաքական վերադարձն իրենց բնօրրան ապահովել արժանապատիվ կեցություն ՀՀ-ում։ Նաև մեր գերիների ու պատանդառված անձանց մասին արագ աշխատանքներ տանելն է նրանց պարտականությունը, որը իրականում բացակայում է։

Մետաքսե Հակոբյանը զգուշացրեց՝ եթե 40+10 ծրագիրը դադարեցվի, մարդիկ ուղղակի փողոցում են հայտնվելու։

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2025
Երկ Երե Չոր Հնգ Ուրբ Շաբ Կիր
« Փետ   Ապր »
 12
3456789
10111213141516
17181920212223
24252627282930
31