«Նրա հրաժարականից հետո միայն մենք Արցախ կվերադառնանք»,- Ազատության հրապարակում լրագրողների հետ զրույցում վրդովված ասաց արցախցի կինը՝ նկատի ունենալով ՀՀ վարչապետ Նիկոլ Փաշինյանին։
Նա ցավով նշեց՝ մեզ ամեն կերպ պիտակավորում են․ դարձանք փախստական և այլն․ «Մեզ ամեն ձև ուզում ես խեղճացնես, հիմա էլ անձնագրով, նույն կապույտ անձնագիրն է այն տարբերությամբ, որ իմ քաղաքի անունն է գրված։ Դու ինչո՞ւ ես ջնջում ամեն ինչ, մեղք չէ՞ այսքան ժողովուրդը։ Ի՞նչ էինք արել, որ սրան արժանացել, քեզ բերինք ղեկավարություն, որ մեզ փրկես, բայց ինչ եղավ։ Նախկինում զորք, զինվոր ենք ունեցել, հիմա ոչ էն ունեն, ոչ էն։ Ինձ պետք չի քո տված 40+10-ը, ինձ իմ հայրենիքը վերադարձրու»։
Մի արցախցի էլ միջամտեց ու նշեց․ «Փաշինյանը թուրք է, պետք է գնա Ադրբեջան»։
Նաև հնչում էին այսպիսի կարծիքներ՝ ուղղված ՀՀ իշխանություններին․ «Դուք եք մեղավոր եղել, որ էս հողը տվել եք»։
Կարդացեք նաև
Մի կին էլ հուզված ահազանգեց․ «Արդեն Հայաստանն էլ ենք կորցնում, թող գոնե մեր երկրորդ հայրենիքը մնա»։
Տաթև ՀԱՐՈՒԹՅՈՒՆՅԱՆ
Լուսանկարը՝ Լիլիթ ԲԼԵՅԱՆԻ
