«Էն, որ էս ամբիոնից գոռում էիր՝ Արցախը Հայաստան է և վերջ, արի հենց հիմա պատասխանիր ինձ, որ Արցախը Ադրբեջան է։ Քո հետ կինարմատ լինելով՝ նստելու եմ, խոսեմ»,- Ազատության հրապարակում լրագրողների հետ զրույցում վրդովված ասաց Արցախում երեք տարի ապրած կինը, որը 2018-ին Նիկոլ Փաշինյանի ելույթներից հետո ՌԴ-ից տեղափոխվել էր Արցախ։
Նշենք, որ այսօր Ազատության հրապարակում ի պաշտպանություն արցախցիների իրավունքների հանրահավաք անցկացվեց։ Այժմ հրապարակում վրաններ են դրվում, արցախցիները ՀՀ կառավարությանը մեկ շաբաթ ժամանակ են տվել։
Ցույց տալով իր անձնագիրը՝ ասաց, որ 2018-ի մայիսի 1-ին ՌԴ-ից տեղափոխվել է Արցախ, տղաները ծառայել են ՀՀ-ում․ «Գրանցումով Արցախից չեմ, բայց կիսում եմ իմ արցախցիների ցավը, ապրել եմ նրանց մեջ։ Մարդիկ տուն են կորցրել, գերեզմաններ։ Արի, պատասխանի, Ղարաբաղը Ադրբեջան է»։ Դիմելով Նիկոլ Փաշինյանին` ևս մեկ անգամ ասաց․ «Պահանջում եմ հենց այստեղ արի, հարգելի Նիկոլ Փաշինյան, արի հիմա էսքան ժողովրդին տուր պատասխան։ Թքեմ քո 40-ի վրա էլ, 10-ի վրա էլ, 40+10 ինձ պետք չի, ինձ իմ հայրենիքն է պետք»։
Կարդացեք նաև
Տաթև ՀԱՐՈՒԹՅՈՒՆՅԱՆ
