«Մարդ, որ մահանում է, Աստված է կանչում, ես Ղարաբաղ կկանչեմ, կմահանամ, իմ տուն ու տեղն եմ ուզում, թող մեզ մի բան անեն, հետ ուղարկեն»,- Ազատության հրապարակում ի պաշտպանություն արցախցիների իրավունքների անցկացվող հանրահավաքի ժամանակ հայտարարեց արցախցի Հասմիկ Սարգսյանը։
Նա նշեց՝ ապրում էր Ստեփանակերտում, աշխատում մանկապարտեզում, հիմա իրեն աշխատանքի չեն ընդունում մանկապարտեզում՝ պատճառաբանելով, որ պետք է կրթվի, ՀՀ քաղաքացիություն ստանա․ «Նույնիսկ հավաքարար չեն վերցնում, ո՞նց անենք, ի՞նչ անենք։ Պարոն Փաշինյան, մեղք եկեք, էլի, գոնե մի օթաղի փոխհատուցում տվեք, որ մարդիկ ապրեն։ Եթե Ղարաբաղ գնալու հնարավորություն կա, ես առաջինն եմ։ Երանի բլոկադայի վախտը։ Իմ պահանջն է, որ իմ աջակցությունը՝ իմ հիսուն հազարը չկտրեն։ Մի օթաղ թող տան»։
Տաթև ՀԱՐՈՒԹՅՈՒՆՅԱՆ
