ԵԱՀԿ-ում Մեծ Բրիտանիայի ներկայացուցիչ Դեյրդրե Բրաունի հայտարարությունը
Միացյալ Թագավորությունը ջերմորեն շնորհավորում է Հայաստանին և Ադրբեջանին՝ խաղաղության համաձայնագրի շուրջ բանակցությունների ավարտի կապակցությամբ։ Սա պատմական պահ է, և մենք կոչ ենք անում երկու կողմերին հնարավորինս շուտ ստորագրել այդ համաձայնագիրը։ Այս խաղաղության պայմանագրի վերջնականացումը լավագույն ճանապարհն է հարատև խաղաղության հասնելու, ինչպես նաև ապահովելու անվտանգության ու կայունության հաստատումը ողջ Հարավային Կովկասում։ Այն կբացի առևտրի և բարեկեցության նոր հնարավորություններ ոչ միայն Հայաստանի և Ադրբեջանի, այլև նրանց հարևանների համար։
Մենք կոչ ենք անում երկու կողմերին զերծ մնալ այնպիսի հռետորաբանությունից, որը կարող է խաթարել խաղաղության հեռանկարները։ Կոնֆլիկտի կրկնությունը ողբերգություն կլիներ և տարիներով հետ կգցեր տարածաշրջանում խաղաղության հաստատման գործընթացը։
Միացյալ Թագավորությունը շարունակում է աջակցել բոլոր ջանքերին՝ մեր միջազգային գործընկերների հետ միասին, Հարավային Կովկասում կայուն և հարատև խաղաղության ապահովման ուղղությամբ։
